«Իսլամական պետությունը» պատասխանատվություն է ստանձնել Մելբուռնի հարձակման համար
«Իսլամական պետություն» ահաբեկչական խմբավորումը պատասխանատվություն է ստանձնել Ավստրալիայի Մելբուռն քաղաքում պատանդառված կնոջ հետ կապված միջադեպի համար։
ՀԻշեցնենք, որ հունիսի 5-ին ոստիկանները հաղորդագրություն էին ստացել պայթյունի մասին ու ժամանելով դեպքի վայր՝ շենքի սրահում հայտնաբերել էին հրազենով սպանված մի տղամարդու։
Հայտնի էր դարձել, որ բնակարաններից մեկում անհայտ անձը 1 ժամից ավել գերի էր պահել մի կնոջ։ Տապալված բանակցություններից հետո ոստիկանները սպանել էին հանցագործին և ազատել պատանդին։ Սակայն ողջ գործողության ընթացքում վիրավորվել էր 3 ոստիկան։