Ռուսական գազն Իտալիա և Հունաստան կհասնի Թուրքիայի տարածքով. կողմերի միջև պայմանագիր է կնքվել
Ռուսական «Գազպրոմ», իտալական «Էդիսոն» և հունական «ԴԵՊԱ» էներգետիկ ընկերությունների միջև կնքվել է նոր պայմանագիր՝ ռուսական գազը Թուրքիայի տարածքով Իտալիա և Հունաստան հասցնելու շուրջ, այս մասին հայտնում է Sputnik-ի թուրքական ծառայությունը:
Ռուսական գազը տվյալ երկրներ հասցնելու համար կօգտագործվի «Թուրքական հոսք» նախագծի շրջանակում կառուցվող 2-րդ խողովակաշարը, ինչպես նաև՝ «Թուրքիա-Հունաստան-Իտալիա» ու եվրոպական «Պոսեյդոն» խողովակաշարերը:
Հիշեցնենք, որ Մոսկվան և Անկարան ստորագրել են միջկառավարական համաձայնագիր, որը ենթադրում է Սև ծովի հատակով գազատար խողովակաշարի երկու ճյուղի կառուցում: Հայտնի է, որ առաջին ճյուղը նախատեսված է գազը թուրքական շուկա մատակարարելու, իսկ 2-րդը՝ վառելիքը Եվրոպա հասցնելու համար:
Թուրքիայի էներգետիկ քաղաքականության համար «Թուրքական հոսք» նախագիծը կարևոր նշանակություն ունի: