ԱՄԷ-ն բացատրել է Կատարի հետ դիվանագիտական հարաբերություննեը խզելու պատճառը
Դոհան աջակցում է «Մահմեդական եղբայրներ»-ի գլխավորած ահաբեկչական կազմակերպություններին։ Ահա թե ինչու է ԱՄԷ-ն Կատարի հետ խզել դիվանագիտական հարաբերությունները։ Պաշտոնական Աբու Դաբիի հաղորդագրությունը մեջբերում է «Էլ Արաբիա» հեռուստաալիքը։
Բահրեյնը, Սաուդյան Արաբիան, Եգիպտոսն ու ԱՄԷ-ն երկուշաբթի առավոտյան հայտարարել են Կատարի հետ դիվանագիտական հարաբերությունները խզելու մասին։
«ԱՄԷ-ն սույն որոշմանը հանգել է Կատարի՝ 2014 թվականին Էր Ռիադում կնքված դեսպանների վերադարձի համաձայնագիրը չկատարելու, ինչպես նաեւ «Մահմեդական եղբայրներ» ասոցացիայի գլխավորությամբ ահաբեկչական, ծայրահեղական, աղանդավորական խմբավորումներին շարունակվող ֆինանսական աջակցության պատճառով»,- ասվում է հայտարարության տեքստում։
ԱՄԷ-ում կատարցի դիվանագետները երկիրը պետք է լքեն 48 ժամվա, իսկ բնակիչները՝ 14 օրվա ընթացքում։