Ռուսաստանի դեսպանը հրաժարվել է մեկնաբանել Թրամփի փեսայի հետ հանդիպումը
ԱՄՆ–ում Ռուսաստանի դեսպան Սերգեյ Կիսլյուկը` ԱՄՆ նախագահ Դոնալդ Թրամփի խորհրդական եւ փեսա Ջարեդ Քուշների հետ հանդիպման վերաբերյալ հարցին պատասխանել է, որ չի մեկնաբանի իր դիվանագիտական ամենօրյա շփումները,– հաղորդում է «ՌԻԱ Նովոստի» գործակալությունը։
«Ես չեմ մեկնաբանում իմ ամենօրյա շփումները, եւ դա մեր քաղաքականությունն է, որը վերաբերում է ոչ միայն Քուշների հետ զրույցին, այլ մեր բոլոր ամենօրյա զրույցներին»,– ասել է դեսպանը։
Կիսլյակը նաեւ հայտարարել է, որ չի վախենա, եթե այս հանդիպման մասին գրեն ամերիկյան ԶԼՄ–ները։
Ավելի վաղ հաղորդվել էր, որ ավելի քան 50 կոնգրեսականներ նամակ են ստորագրել եւ ուղարկել՝ պահանջելով ԱՄՆ նախագահ Դոնալդ Թրամփի փեսա եւ խորհրդական Ջարեդ Քուշներին զրկել գաղտնի տեղեկություններին հասանելիության հնարավորությունից։