Նազարբաեւը կենդանության օրոք է հոգ տարել իր արժանավայել հուղարկավորության մասին
Ղազախստանի կառավարությունը որոշում է կայացրել Ազգային պանթեոնի մասին։ Zakon.kz պորտալում հրապարակվել է նրանց պաշտոններն ու կոչումները, ովքեր մահից հետո կարող են թաղվել Ազգային պանթեոնում։ Ցուցակի առաջին տեղում նշված են «Ղազախստանի Հանրապետության նախագահները»։
Պանթեոնում թաղվելու հնարավորություն կունենան նաեւ նախագահների, կառավարության նախագահների, նրանց տեղակալների, տարբեր նախարարների, մարզպետների, նախագահի անմիջական ենթակայության տակ գտնվող գերատեսչությունների ղեկավարների ընտանիքների անդամները։
Առաջարկում են նաեւ պանթեոնում հուղարկավորել Ղազախստանի ու ԽՍՀՄ հերոսներին ու հանրապետության որոշ այլ շքանշաններ ունեցողներին։ Պանթեոնում կարող են հանգչել նաեւ նրանց աճյունները , ովքեր մեծ ավանդ են ունեցել երկրի զարգացման գործում ու որոնց ընտանիքները նախագահից համապատասխան թույլատվություն են ստացել։
Տապանաքարերի ու գերեզմանների մյուս հարդարանքները պանթեոնում կիրականացվեն միասնական նմուշով։
Միաժամանակ արգելված է ինքնակամ հուղարկավորությունները, ընտանեկան, տոհմական դամբարանների ստեղծումն ու վերահուղարկավորությունը։
Որոշումը ուժի մեջ է մտնելու դրա պաշտոնական հրապարակումից տասը օրացույցային օր հետո։
Հիշեցնենք, որ փետրվարին ֆինանսների նախարար Բախւտ Սուլթանովը հայտնել էր , որպանթեոնի կառուցման համար բյուջեից 1․7 մլրդ տենգե է հատկացվել։