Թուրքիայում ձերբակալվել է քուրդ հայտնի պատգամավոր Օսման Բայդեմիրը
Թուրքիայի քրդական «Ժողովուրդների դեմոկրատական» (HDP) կուսակցության պատգամավոր Օսման Բայդեմիրը իր դեմ բացված դատական նիստին չներակայանալու պատճառաբանությամբ ձերբակալվել է։
Թուրքական Cumhuriyet պարբերականի փոխանցմամբ՝ ոստիկանները Օսման Բայդեմիրին ձերբակալել ու ներկայացրել են դատական նիստին, որի ավարտից հետո նա ազատ է արձակվել։
Նշվում է, որ Օսման Բայդեմիրի նկատմամբ դատական գործ էր բացվել դեռեւս Դիարբեքիրի քաղաքապետ եղած ժամանակ նահանգապետարանի դիմաց ոստիկաններին վիրավորելու համար։
Դատական նիստի ավարտին ազատ արձակվելուց հետո Օսման Բայդեմիրը շեշտել է, թե շարունակելու է պայքարը դատարանները ոմանց համար գործիք օգտագործելու դեմ։