Հարավային Օսեթիայի նախագահը՝ Հայաստանից միջանցք բացելու մասին
Ռուսաստանից դեպի Վրաստան եւ Հայաստան Հարավային Օսեթիայի միջով միջանցքներ բացելու համար որեւէ խնդիր չկա. միակ խոչընդոտը՝ ճանապարհային քարտեզի վրա մեր հանրապետության կարգավիճակն է,– հայտարարել է Հարավային Օսեթիայի նախագահ Անատոլի Բիբիլովը։
«Ճանապարհ բացելու համար, առաջին հերթին, հենց Վրաստանի քաղաքական որոշումն է անհրաժեշտ։ Մեր կողմից ես չեմ կարծում, թե խնդիրներ լինեն։ Միակ խնդիրը, որի վրա կարող է հիմնվել վրացական կողմը՝ Հարավային Օսեթիայի կարգավիճակն է։ Իհարկե մենք թույլ չենք տա, եւ անկասկած նման բան չի էլ կարող լինել, որ Հարավային Օսեթիան Եվրոպան Ասիային կապող այդ ճանապարհային քարտեզում որպես լիիրավ գործընկեր հանդես չգա։ Սկզբունքորեն Հարավային Օսեթիան որեւէ խնդիր չունի»,– ասել է Բիբիլովը՝ նշելով, որ ճանապարհի բացումը շահավետ կլինի թե՛ Վրաստանի, թե՛ Հայաստանի, եւ թե Ադրբեջանի ու Թուրքիայի համար։
Նախագահը նաեւ նշել է, որ հաճախ է իր հասեցին մեղադրանքներ ստանում ստեղծված իրավիճակի պատճառով։
«Ինձ երբեմն մեղադրում են այն բանի համար, որ այդ ճանապարհի պատճառով, իբր, չկան քաղաքական հարաբերություններ, դեռ նրանք չեն ստորագրել ուժի չկիրառման վերաբերյալ հուշագիրը։ Բայց մենք առաջին հերթին պետք է մտածենք այն մարդկանց մասին, ովքեր ապրում են Հայաստանում, Ադրբեջանում, նրանց մասին, ովքեր առեւտրային հարաբերություններ են ցանկանում ունենալ Ռուսաստանի հետ Իրանում, Թուրքիայում։ Մենք չպետք է կենտրոնանանք Վրաստանի վրա»,– ասել է Բիբիլովը։
Հարցազրույցում Հարավային Օսեթիայի նախագահը նաեւ հաղորդել է Ռուսաստանին միավորվելու վերաբերյալ հանրաքվե անցկացնելու մտադրության մասին, քանի որ «ժողովուրդն այդպես է ուզում»։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Էլեկտրաէներգիայի ընդհատումներ կլինեն Երևանում և մարզերում․ հասցեներ
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սիթի ՍՊ ընկերության մի քանի աղցանի արտադրությունը կասեցվել է
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Մելանշոնը հավանական առաջատար թեկնածուներից մեկն է