Կադիրովն առաջարկել է լրագրողներին iPhone 7 նվիրել Չեչնիայի մասին «օբյեկտիվ հոդվածների» համար
Չեչնիայի առաջնորդ Ռամզան Կադիրովն առաջարկել է լրագրողներին այցելել Չեչնիա և օբյեկտիվ հոդվածներ գրել հանրապետության մասին։ Նա կատակով խոստացել է նման հոդվածագիրներին iPhone 7 նվիրել։
«Մեր երկրում ամեն օր բաց դռների օր է։ Եկեք և գրեք ճշմարտությունը։ Սակայն լրագրողներն այնքան էլ չեն ձգտում անկողմնակալության։ Արդեն ուզում ես մրցույթ կազմակերպել ՝ «Գրեք ճշմարտությունն ու ստացեք iPhone 7»,- ասել է Կադիրովը։
Չեչնիայի ղեկավարը հիմնականում ակնարկել է այն հոդվածագիրներին, ովքեր վերջերս անդրադարձել են երկրի միասեռականներին, որոնց մի մասը պահվում է բանտերում՝ Կադիրովի ցուցաբերած անհանդուրժողականության հետևանքով: