ՌԴ ԱԳՆ խոսնակը անդրադարձել է ղարաբաղյան հարցում ԱՄՆ-ի հետ համագործակցության մասին
Ռուսաստանը բարձր է գնահատում ժողովրդական դիվանագիտության դերը հակամարտությունների կարգավորմանն աջակցելու գործում: Ամենակարևոր առաքելությունը, սակայն, հակամարտող կողմերի հասարակական շրջանակներում խաղաղ կարգավորման, փոխադարձ ընդունելի փոխզիջումների որոնման այլընտրանք չլինելու գիտակցման ամրապնդումն է: Այդ մասին ճեպազրույցի ժամանակ հայտարարել է Ռուսաստանի ԱԳՆ խոսնակ Մարիա Զախարովան:
Անդրադառնալով Լեռնային Ղարաբաղի հակամարտության կարգավորման հարցում ՌԴ-ի և ԱՄՆ-ի փոխգործակցությանը՝ մասնավորապես Ռեքս Թիլերսոնի պաշտոնավարման ժամանակ (ԱՄՆ պետքարտուղար), ՌԴ ԱԳՆ ներկայացուցիչը նշել է, որ դեռ հարկավոր է սպասել ԱՄՆ-ի և ՌԴ-ի միջև շփումներին:
«Ինչ վերաբերում է ամերիկացիների հետ շփումներին, դրանք դեռ սպասվում են, և այժմ մեկնաբանելու իմաստ չկա: Եկեք սպասենք մինչև այդ շփումները կայանան և կողմերն անդրադառնան մի շարք հարցերի և դրանից հետո արդեն դա կլինի մեկնաբանության համար թեմա»,- ասել է նա:
Անդրադառնալով ԱՄՆ նոր պետքարտուղար Ռեքս Թիլերսոնի հայտարարությանը, որ Լեռնային Ղարաբաղի հակամարտությունը սպառնում է ԱՄՆ-ի անվտանգության շահերին՝ Մարիա Զախարովան պատասխանել է, որ հարկավոր է ելնել նրանից, որ հակամարտությունը նախևառաջ սպառնալիք է Հայաստանի և Ադրբեջանի անվտանգության և զարգացման համար:
«Դա նրա գնահատականն է որպես ԱՄՆ ներկայացուցիչ: Չմեկնաբանելով ԱՄՆ-ի դիրքորոշումը, որն իրավունք ունի ինքնուրույն գնահատել սեփական անվտանգության սպառնալիքները, կուզեի ասել, որ հակամարտությունն անմիջական սպառնալիք է գլխավորապես Հայաստանի և Ադրբեջանի անվտանգությանը, կայունությանը և ապագա զարգացմանը: Այսինքն՝ պետք է ելնենք դրանից»,- ասել է նա:
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Օլեշկիից տարհանված ուկրաինացիները Ուկրաինայում են
Գայի պողոտայում գտնվող առևտրի կենտրոններից մեկում հրդեհ է բռնկվել