Թրամփը բջջային հեռախոսահամարը փոխանցում է համաշխարհային առաջնորդներին
ԱՄՆ նախագահ Դոնալդ Թրամփն իր բջջային հեռախոսահամարը հաճույքով փոխանցում է համաշխարհային առաջնորդներին, որպեսզի անհրաժեշտության դեպքում վերջիններն անմիջապես իրեն զանգահարեն, հաղորդում է Associated Press-ը։
Սակայն նշվում է, որ նման պրակտիկան խախտում է դիվանագիտական արարողակարգը։ Թրամփն իր հեռախոսահամարն արդեն փոխանցել է Կանադայի վարչապետ Ջասթին Թրյուդոյին, Մեքսիկայի նախագահ Էնրիկե Պենյա Նիետոյին եւ Ֆրանսիայի նախագահ Էմաունել Մակրոնին։
AP-ի փոխանցմամբ՝ այդ հնարավորությունից դեռ օգտվել է միայն Կանադայի վարչապետը։ Անվտանգության փորձագետները կարծում են, որ անձնական հեռախոսով ԱՄՆ նախագահի զրույցները խոցելի են այլ պետությունների հետախուզության համար, չնայած Թրամփի գործածած սմարթֆոնը հավանության է արժանացել հատուկ ծառայությունների կողմից։