Թուրքիայի վարչապետը կրկին սպառնացել է
Թուրքիան Սիրիայում պատասխան հարվածներ է հասցրել Իդլիբում թուրք զինվորականների դիրքերի գնդակոծումից հետո: Այդ մասին հայտնել է Bloomberg գործակալությունը՝ վկայակոչելով երկրի նախագահ Ռեջեփ Թայիփ Էրդողանին։
Էրդողանի խոսքով՝ F-16 ինքնաթիռները Սիրիայում հարվածներ են հասցրել 46 թիրախի:
«Թուրքիան հզոր հարվածով է պատասխանել Իդլիբում տեղի ունեցած գնդակոծությանը եւ այսուհետեւ այդպես է վարվելու»,- հայտարարել է Թուրքիայի նախագահը: Անկարայի գնահատմամբ, գրոհի հետեւանքով զոհվել են 30-35 սիրիացի զինծառայողներ: Բացի այդ, ինչպես նշում է Bloomberg-ը, Էրդողանը հայտարարել է, որ Իդլիբի իրադրության կապակցությամբ կարող է խոսել ՌԴ նախագահ Վլադիմիր Պուտինի հետ: Գործակալության տվյալներով՝ Էրդողանը նաեւ կոչ է արել ռուսական կողմին՝ «չփորձել կանգնեցնել Թուրքիայի գործողությունը, որն ուղղված է միայն սիրիական ռեժիմի դիրքերի դեմ»:
Ավելի վաղ Թուրքիայի ազգային պաշտպանության նախարարությունը հայտնել է, որ առնվազն չորս թուրք զինծառայող է զոհվել, եւս ինը՝ վերքեր ստացել Սիրիայի Իդլիբի նահանգում նրանց դիրքերի գնդակոծման հետեւանքով: Ինչպես պնդում է Անկարան, թուրք զինվորականները գնդակոծվել են սիրիական բանակի կողմից Սերակիբ բնակավայրի շրջանում: Ռազմական գերատեսչությունում ճշտել են, որ զինվորներից մեկի վիճակն օրհասական է: Դամասկոսն առայժմ պաշտոնապես չի մեկնաբանել տեղի ունեցածը, հաղորդել է ՏԱՍՍ-ը:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Խամենեիի գտնվելու վայրը գաղտնի է պահվում՝ անվտանգությունից ելնելով
Գազամատակարարման վթարային դադարեցում Երևանի մի շարք հասցեներում
Հունվարի 1-ից կարգելվի պոլիէթիլենային տոպրակների և մեկանգամյա օգտագործման պլաստիկ ապրանքների օտարում...
Սամվել Կարապետյանին կալանավորելու միջնորդություն է ներկայացվել
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...