Թրամփը չափազանց արագ է սկսել լուծել խնդիրները. կարծում է ամերիկացիների 47 տոկոսը
Ամերիկացիների մոտ կեսը՝ 47 տոկոսը, կարծում է, որ ԱՄՆ նախագահ Դոնալդ Թրամփը «չափազանց արագ» է անցել երկրի առաջ կանգնած խնդիրների լուծմանը: Այդ մասին վկայում են Gallup հանրային կարծիքի ուսումնասիրման ինստիտուտի անցկացրած հարցման տվյալները, գրում է «ՌԻԱ Նովոստի»-ն:
Հարցման մասնակիցներին առաջարկել են գնահատել արագությունը, որով նոր նախագահն անցել է երկրի հիմնական խնդիրների լուծմանը: Հետազոտության արդյունքները ցույց են տվել, որ 35 տոկոսը գոհ է ներկա վիճակից, 10 տոկոսը կարծում է, որ Թրամփը «բավականաչափ արագ չէ» հարցերի լուծման մեջ, մնացած 7 տոկոսը չի կարողացել պատասխանել: Ինչպես նշում է Gallup-ը, Թրամփին նախորդած Բարաք Օբամայի գործունեությունը 2009 թվականին առաջին նախագահական ժամկետի մեկնարկից հետո դրական էր գնահատում ամերիկացիների 63 տոկոսը:
Հետազոտության մասնակիցներին նաև առաջարկել են գնահատել վերջին օրերին Թրամփի ստորագրած հրամանագրերը: Հարցման արդյունքները ցույց են տվել, որ հարցման մասնակիցների 42 տոկոսը հավանության է արժանացրել միգրացիոն հրամանագիրը, որով 90-օրյա ժամկետով արգելվում է յոթ երկրների քաղաքացիների մուտքն ԱՄՆ, իսկ 38 տոկոսը հավանության է արժանացրել Մեքսիկայի հետ սահմանին պատի կառուցման մասին հրամանագիրը, 36 տոկոսը հավանության է արժանացրել ԱՄՆ-ում անորոշ ժամկետով Սիրիայից փախստականների ընդունման արգելքի մասին որոշումը:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Մելանշոնը հավանական առաջատար թեկնածուներից մեկն է
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
Կրկին ակտիվացել են ՆԳՆ անունից զեղծարարության փորձերը
2027 թ. պետական բյուջեի նախնական քննարկում. ԱԺ մշտական հանձնաժողովների համատեղ նիստ (տեսանյութ)