Օլգա Բուզովան ռեկորդ է սահմանել` դառնալով Instagram-ի ռուսական տիրույթի ամենաշատ հետևորդներն ունեցող աստղը

ՌԴ երգչուհի և հաղորդավարուհի Օլգա Բուզովան նոր ռեկորդ է սահմանել Instagram սոցիալական կայքի ռուսական տիրույթում ունեցած հետևորդների թվով, հայտնում է 5-tv.ru կայքը:

Հունվարի 20-ին ծննդյան տարեդարձի առթիվ իր էջում նոր` «Կրակի մեջ» («В огне») երգի հրապարակումից հետո աստղի հետևորդների թիվն ավելացել է` հասնելով 19,1 միլիոնի:

Նման թվաքանակով հետևորդներ Բուզովայի` հեռուստատեսության, բեմական, սոցցանցային գործընկերներից ոչ ոք չունի:

Հետևորդների քանակությամբ երկրորդ տեղում է խառը մարտարվեստի ռուսաստանցի մարզիկ Խաբիբ Նուրմագոմեդովը: Նրա էջով «ինսթագրամյան» հարթակում հետաքրքրվում է 18,4 միլիոն օգտատեր:

Աստղերի թվում ամենաշատ հետևորդներն ունեցողներից են Տիմատին (14,5 միլիոն), բլոգեր Նաստյա Իվլեևան (14 միլիոն), շոումեն Պավել Վոլյան (13,7 միլիոն), հեռուստահաղորդավարուհի Քսենյա Բորոդինան (13,6 միլիոն) և երգիչ Եգոր Կրիդը (11,6 միլիոն):

Արտասահմանյան աստղերից առավել հայտնի է պորտուգալացի ֆուտբոլիստ Կրիշտիանու Ռոնալդուն, որը 198 միլիոն հետևորդ ունի, որին հաջորդում են Արիանա Գրանդեն (172 միլիոն), դերասան Դուեյն Ջոնսոնը (169 միլիոն), երգչուհի Սելենա Գոմեսը (166 միլիոն), իրապատում շոուի աստղեր Քայլի Ջենները (158 միլիոն) և Քիմ Քարդաշյանը (157 միլիոն), այլք:

Այս թեմայով «Վիճակն առայժմ սուր է․ թույլ տվեք չհրապարակել ախտորոշումը։ Ես սնահավատ եմ դարձել». Օլգա Բուզովա «Նոր ես». Բուզովայի համար հայ դիզայների ստեղծած զգեստն անակնկալով էր Բուզովան իր երգերի վրա վեցանիշ թվեր է ծախսում Համացանցում հայտնվել է Օլգա Բուզովայի «սատանայական» խաչակնքումը (տեսանյութ) «Ռուսաստանում առաջինն է, եւ այն իմն է»։ Մանուկյանը 10 մլն ռուբլով ավտոմեքենա է գնել