Ռամզան Կադիրովի եկամուտները 2016 թվականին երկու անգամ աճել են
Չեչնիայի նախագահ Ռամզան Կադիրովը 2016 թվականին վաստակել է մոտ 11,5 միլիոն ռուբլի, ինչը երկու անգամ ավել է նախորդ տարվանից։
Չեչնիայի վարչակազմի կայքէջում հրապարակված հայտարարագրի համաձայն՝ Կադիրովին են պատկանում նաեւ 3668 քառակուսի մետր մակերեսով հողամաս եւ 2344 քմ տարածքով բնակելի տուն։ Հանրապետության ղեկավարի ընտանիքի ընդհանուր օգտագործման տակ է գտնվում 300 քառակուսի մետր մակերեսով բնակելի տուն։
Կադիրովի կնոջ՝ Մեդնի Կադիրովայի եկամուտը կազմել է 2,1 միլիոն ռուբլի։ Բացի այդ, նրան է պատկանում 209,8 քմ մակերեսով բնակարան։
Հայտարարագրում նաեւ նշված է, որ Ռամզան Կադիրովի երկու երեխաներից յուրաքանչյուրը անցյալ տարի վաստակել է 9,9 միլիոն ռուբլի։
2015 թվականին Չեչնիայի նախագահը վաստակել էր ավելի քան հինգ միլիոն ռուբլի։