Ճապոնիայում անսովոր շոգ է
Ճապոնիայում մայիսի համար անսովոր շոգ է: Միայն անցած շաբաթ հոսպիտալացվել է կղզու 450-ից ավելի բնակիչ: Հաղորդվում է մահվան մի քանի դեպքերի մասին, փոխանցում է Euronews-ը:
Ջերմաչափն արդեն 30 աստիճանից բարձր է ցույց տալիս: Նման եղանակը հատուկ է հուլիսին կամ օգոստոսին:
Ճապոնական օդերեւութաբանական ծառայությունը նույնիսկ բջջային հատուկ հավելված է գործարկել, որը խորհուրդներ է պարունակում ջերմային հարվածից խուսափելու մասին: Մայիսի 21-ին 29 մարդ հոսպիտալացվել է ջերմային հարվածի պատճառով:
Խանութներից հայտնել են, որ շոգի դեմ պայքարել օգնող սարքերի վաճառքը 20 տոկոսով ավելացել է:
Անցյալ տարի Ճապոնիայում անսովոր բարձր ջերմաստիճանի հետեւանքով մահացել է 100-ից ավելի մարդ: