«Ինչպե՞ս կարելի է նրան չսիրել». Մարգարիտա Սիմոնյանը շնորհավորել է ամուսնուն ծննդյան տարեդարձի կապակցությամբ
Ռուսական RT հեռուստաալիքի գլխավոր խմբագիր Մարգարիտա Սիմոնյանը Facebook-ի իր էջում շնորհավորել է ամուսնու՝ կինոռեժիսոր Տիգրան Քեոսայանի ծննդյան տարեդարձը:
Մարգարիտա Սիմոնյանը, մասնավորապես, գրել է.
«Ինչ հանգիստ և ուրախ է ապրել կյանքը մի մարդու հետ, որն առավոտները երգում է և ընթրիքի ժամանակ դաշնամուր նվագում, որն իր աշխատասենյակում «կախարդական սնդուկ» է պահում, որի վրա նստում են հենց նոր նախաճաշի եկած քնկոտ երեխաները և լսում հայրիկի՝ այլմոլորակայինների և գոյություն չունեցող երկրների մասին հեքիաթների չափաբաժինը, որը գիշերներով իր ձախ ձեռքի վրա տանում է մեր երկամսյա դստերը` միջանցքով «ճանապարհորդելով» մեկ մի տատիկի մոտ, մեկ մյուսի...որը հանգստյան օրերին ընկերների հետ՝ հաջողակ, հետաքրքիր, կայացած ընկերների, որոնք արդեն դարձել են նաև իմը, հիշում է, թե ինչպես էր Վլադիմիր Վիսոցկին օրորում իրեն ծնկների վրա, որը կես հայացքից հասկանում է թե իմ մտքին ինչ կա, լավ, իմը դեռ հասկանալի է, բայց նաև ուրիշների, ներքին չափիչով զգում է կեղծավորությունը և կարողանում է այդպես ժպտալ ուրիշի թուլության վրա, որը չի հոգնում բարձրաձայն կատակել և ծիծաղել՝ լցնելով մեր տունն իր խառնվածքի հոսքով, որն իմ պատրաստած ցանկացած բրդուճ հայտարարում է խոհանոցային գլուխգործոց և բոլորի ներկայությամբ իմ ականջին շշնջում. «Ինչ գեղեցիկ ես դու», ինչքան էլ որ գիրացած լինեմ երրորդ ծննդաբերությունից հետո, որը միշտ իր խոսքի տերն է և շարունակում է իր միակ հայրենիքը համարել այն երկիրը, որտեղ ծնվել է՝ Խորհրդային միությունը, որը ծերունաբար լաց է լինում, երբ խոսում է հոր մասին և տղայի պես ժպտում, երբ ապագայի ծրագրեր է կազմում, որը համարձակ է և երիտասարդ, տաղանդավոր և կրակոտ, և պարսկական վեզիրի նման գեղեցիկ: Ինչպե՞ս կարելի է նրան չսիրել: Ծնունդդ շնորհավո՛ր, սիրելի՛ս»:
Այսօր կինոռեժիսոր Տիգրան Քեոսայանը նշում է ծննդյան 54-ամյակը:
Մարգարիտա Սիմոնյանի հետ նրանք միասին են 2013 թվականից և մեծացնում են իրենց 5-ամյա դստերը՝ Մարիանային, 4-ամյա որդուն՝ Բագրատին և երկամսյա դստերը՝ Մարոյին: Ռեժիսորը ևս երկու դուստր ունի նախկին ամուսնությունից՝ 24-ամյա Ալեքսանդրան և 8-ամյա Քսենիան: Քեոսայանի նախկին և ներկայիս կանայք շատ ջերմ հարաբերություններ ունեն:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Հանրությանը մոլորեցնելու նպատակ ունեցող ապատեղեկատվություն