Չեմ ուզում մտածել՝ ինչ կլինի, եթե հակամարտությունը հատի Իրանի սահմանները. Արման Աբովյան

ԱԺ «Բարգավաճ Հայաստան» խմբակցության պատգամավոր Արման Աբովյանը գրել է.

«Իրան-ԱՄՆ շուրջ լարվածությունն արդեն փոխանցվել է հիմնական աշխարհաքաղաքական խաղացողների տիրույթ։ Ռուսաստանը, Եվրոպական երկրները, Իսրայելը, Սաուդյան Արաբիան, Հնդկաստանը, Չինաստանը, Պակիստանը, Լատինական Ամերիկայի պետությունները... բոլոր խաղացողները փորձում են այս կամ այլ կերպ թույլ չտալ հակամարտության սրացմանը, նաև ուզում են օգուտ քաղել ստեղծված իրավիճակից։ Օրինակ` աուդիտները Յեմենի ուղղությամբ կրկին ռազմական գործողությունների թեժացում են խոստանում, իսկ Թուրքիան պատրաստվում է զորք մտցնել Լիբիայի տարածք։
Ես զերծ կմնամ ինչ-որ ապոկալիպտիկ գուշակումներից` հաշվի առնելով չափազանց խճճված տարածաշրջանային (քաղաքական) զանգվածների հետաքրքրությունները, սակայն մի երկու դիտարկում.
Կարծում եմ, որ Իրանը և ԱՄՆ-ն զերծ կմնան անմիջապես իրենց տարածքներում փոխադարձ հակահարվածներից, ավելի իրատեսական է, որ հակամարտելու են երրորդ երկրներում (Սիրիա, Իրաք, Յեմեն, Լիբիա և այլն... ), նաև հնարավոր է Իրանը փորձի Սիրիայում և Լիբանանում տեղակայված իրեն հավատարիմ խմբավորումների միջոցով հրթիռակոծել Իսրայելի տարածքը։
Ես նաև համաձայն չեմ, որ ամերիկացիների հարվածը կապված է լոկ Բաղդադում ԱՄՆ-ի դեսպանության վրա հարձակման հետ կամ հրթիռային հարվածի պատճառով զոհված ամերիկյան քաղաքացու պատճառով։ Հիմնական պատճառն, ըստ իս, այն է, որ ամերիկյան նախագահական ընտրությունների նախաշեմին Թրամփը գտնվում է լուրջ պրեսսինգի տակ (օրինակ՝ իմպիչմենտի գործոնը) և այս քայլով Թրամփը կիրառեց ամերիկյան քաղաքականության մեջ ամենասիրված քայլը` հարվածել ԱՄՆ-ի սահմաններից հեռու թշնամու ամենաաղմկոտ թիրախին և ներկայացնել դա որպես ամերիկյան (նախագահի դեմքով) «հզորության» վերահաստատում։
Առայժմ այսքանը, սակայն ակնհայտ է, որ ԱՄՆ-Իրան հակամարտությունն անցավ շատ կարևոր «կարմիր գիծը»:
Շարունակենք հետևել զարգացումներին։

Հ.Գ. Ինչ վերաբերում է մեզ համար ամենաանցանկալի սցենարին, ապա ես նույնիսկ չեմ ուզում մտածել, թե ինչ կլինի, եթե հանկարծ այս հակամարտությունը հատի Իրանի սահմանները։
Միայն ակնկալվող մի քանի միլիոն իրանցի փախստականների առկայությունը մեր սահմանի երկայնքով արդեն իսկ չափազանց վտանգավոր կարող է լինել։ Բայց կրկնում եմ, այս սցենարի իրականացումը ամենամինիմալն է, սակայն մենք ուղղակի պարտավոր ենք հաշվարկել նաև զարգացումների այս տարբերակը»:

Այս թեմայով ԱՄՆ-ը պատժամիջոցներ է սահմանել Իրանի հետ կապված ընկերությունների նկատմամբ Թրամփը չի խոչընդոտի Ֆրանսիային՝ Իրանին բժշկական նյութեր մատակարարելու հարցում. TACC Իրանի Ազգային անվտանգության բարձրագույն խորհրդի ղեկավարը հայտնել է, որ Թրամփը կորոնավիրուսից ավելի վտանգավոր է. Tasnim ԱՄՆ պատժամիջոցները «տնտեսական եւ բժշկական» ահաբեկչություն են Խամենեին մերժել է կորոնավիրուսի դեմ ԱՄՆ-ի առաջարկած օգնությունը