Քորթնի Քարդաշյանի ամանորյա «մերկ» լուսանկարները դստեր հետ շփոթեցրել են նրա հետևորդներին (լուսանկարներ)

Ամերիկյան Keeping up with the Kardashians հանրահայտ իրապատում շոուի մասնակից Քորթնի Քարդաշյանն իր ինստագրամյան էջում արտասովոր ամանորյա լուսանկարներ է հրապարակել դստեր հետ:

Ինչպես գրում է Корреспондент-ը, Քարդաշյանների ավագ քրոջ և նրա դստեր՝ Պենելոպայի լուսանկարը, որում Քորթնին ամբողջովին մերկ նստած է բուխարու կողքին՝ դստերը գրկած, շփոթեցրել է սոցցանցի օգտատերերին: Մյուս լուսանկարում էլ մայր ու դուստր գրկախառնված պառկած են գետնին:

Օգտատերերից ոմանք ենթադրել են, որ Քորթնին ամբողջովին մերկ է լուսանկարվել, քանի որ հագուստի ոչ մի նշան չի երևում: Շատերը նրան դատապարտել են նման բաց լուսանկարի համար, որը նա պատկերել է բավականին մեծ դստեր կողքին: