Ինչ շքեղ պայմաններում են արքայազն Հարին և կինը նշել Սուրբ ծնունդը (լուսանկարներ)

Մեծ Բրիտանիայի արքայազն Հարին, նրա կինը՝ Սասեքսի դքսուհի Մեգան Մարքլը, ու որդին՝ Արչին, Սուրբ ծնունդը դիմավորել են թագավորական ընտանիքից հեռու՝ Կանադայում:

Այժմ Daily Mail պարբերականը բացահայտել է, որ ամուսինները կանգ են առել 14,1 մլն դոլար արժողությամբ ճոխ առանձնատանը, որը գտնվում է Վանկուվեր կղզում և պատկանում է ինչ-որ միլիոնատիրոջ:

Հարմարավետ հանգստի համար անհրաժեշտ բոլոր պայմաններով համալրված առանձնատունն ունի ութ ննջասենյակ և գտնվում է ծովափին՝ կղզու ամենագողտրիկ անկյուններից մեկում:

Նշվում է, որ սուրբծննդյան տոներին ընտանիքին է միացել նաև դքսուհու մայրը՝ Դորիա Ռեգլանդը:

Հայտի է, որ արքայազն Հարիի և Մեգան Մարքլի ժամանումը Կանադա հաստատել է երկրի վարչապետ Ջասթին Տրյուդոն՝ ընդգծելով, որ նրանք միշտ էլ ցանկալի հյուր են Կանադայում:

Պարբերականի տվյալներով՝ Մեծ Բրիտանիայի թագավորական ընտանիքի որոշ անդամներ զույգին կոչ են արել Միացալ Թագավորություն վերադառնալ ու այնտեղ նշել Սուրբ ծնունդը:

Արքայազն Հարիի ավագ եղբայրը՝ արքայազն Ուիլյամը, Սուրբ ծնունդը նշել է Սանդրինգհեմում՝ թագուհու և ընտանիքի մյուս անդամների հետ: