Վրաստանում ձերբակալել են միջազգային հանցավոր խմբավորման յոթ անդամների
Վրաստանի ՆԳՆ-ն հայտնել է երկրի տարածքում և արտասահմանում թմրանյութերի արտադրությամբ և վաճառքով զբաղվող հանցավոր խմբավորման յոթ անդամների ձերբակալման մասին. առգրավվել է ավելի քան 2 մլն դոլարի թմրանյութեր, ձերբակալվածների թվում են Վրաստանի, Ղրղզստանի, Ուկրաինայի, Ռուսաստանի և Ղազախստանի քաղաքացիներ: Այս մասին գրում է ria.ru-ն։
«Վրաստանի իրավապահ մարմինների աշխատակիցները Թբիլիսի, Քութայիս և Բաթումի քաղաքներում ձերբակալել են Վրաստանի, Ռուսաստանի, Ուկրաինայի և Ղազախստանի թվով 7 քաղաքացիների: Անձնական խուզարկության, ժամանակավոր բնակության վայրի, ինչպես նաև տարբեր թաքստոցների խուզարկության արդյունքում առգրավվել է մինչև 21 կգ փոշի և մինչև 10 լիտր «Ալֆա-PvP» թմրամիջոց։ Առգրավված նյութերի շուկայական գինը կազմում է 6 մլն լարի (ավելի քան 2,1 մլն դոլար)»,- ասված է ՆԳՆ մամուլի ծառայության հայտարարության մեջ:
Գերատեսչությունը նշում է, որ Թբիլիսիում, Քութայիսում և Բաթումում հայտնաբերվել են նաև թմրանյութեր պատրաստելու համար նախատեսված լաբորատոր սարքավորումներ և քիմիական միջոցներ: Նախարարության տվյալներով՝ ձերբակալվածներին մեղադրում են Հայաստանում, Ղրղզստանում, Ուզբեկստանում, Տաջիկստանում, ինչպես նաև Վրաստանի քաղաքներում թմրանյութերի ապօրինի պատրաստման, պահպանման և իրացման մեջ:
Ձերբակալվածներին սպառնում է 8-20 տարվա կամ անժամկետ ազատազրկում:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Ինչպիսի եղանակ է սպասվում այսօր
Մոսկվայի բոլոր օդանավակայանները կրկին դադարեցրել են աշխատանքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...