Երիտասարդ միլիարդատիրուհի Քայլի Ջեները ներկայացրել է իր տան սուրբծննդյան ձևավորումը և դստեր փոքր «առանձնատունը» (լուսանկարներ, տեսանյութ)

Աշխարհի ամենաերիտասարդ միլիարդատիրուհի, Kylie Cosmetics ընկերության հիմնադիր, իրապատում շոուի աստղ Քայլի Ջեներն իր յութուբյան ալիքում երկրպագուներին ներկայացրել է իր առանձնատան սուրբծննդյան ձևավորումը և դստեր փոքր «առանձնատունը», գրում է Insider-ը:

Տեսանյութում երևում է, որ Ջեների տանը կան մի քանի տոնածառեր, որոնք զարդարված են սպիտակ և ոսկեգույն երանգների համադրությամբ: Տոնական շունչ ստացած խոհանոցի և ճաշասենյակի ձևավորումը ցույց տալուց հետո, դիմահարդարման մագնատն ակնարկել է, որ իր երկրպագուներին ևս մի զվարճալի «տեսաշրջագայություն» է սպասվում:

«Ավելի վաղ մայրս Սթորմիին ամենալավ սուրբծննդյան նվերը մատուցեց»,- տեսահոլովակում ասում է Քայլին:

Քարդաշյան-Ջեներ ընտանիքի մայրը մեկամյա Սթորմի Ուեբսթերին նվիրել է «մինի առանձնատուն»:

«Ես նույնպես նմանատիպ մի տուն ունեի, երբ Սթորմիի տարիքին էի»,- ասել է Քայլին:

Քրիս Ջեները տեսախցիկը ձեռքին մտնում է Սթորմիի «տնակ», որը ներառում է օդորակիչ, արհեստական բուխարի և մինի խոհանոց: Այն նույնիսկ ներառում է կենցաղային իրեր:

Այս թեմայով Ուկրաինական քաղաքում ընկել է գլխավոր տոնածառը Երևանի այս տարվա ամենաօրիգինալ տոնածառը, որն արդեն չկա (տեսանյութ) Տոնածառ՝ Բայկալի հատակին (Տեսանյութ) Գողացել են ամանորյա տոնածառը Սանտա Կլաուսը ուղտի վրա Սուրբ Ծննդյան ոգին տարածում է Երուսաղեմում (տեսանյութ)