«Հայաստանին չհաջողվեց փոխել ԼՂ բանակցությունների ձևաչափը». Ալիևը դա Ադրբեջանի «դիվանագիտական հաջողությունն» է համարել
Ադրբեջանի նախագահ Իլհամ Ալիևը դեկտեմբերի 23-ին մեծ հարցազրույց է տվել լրագրողներին՝ ամփոփելով 2019 թվականը:
Հարցազրույցի ընթացքում Ալիևը, ի թիվս այլնի, անդրադարձել է նաև Ղարաբաղյան հակամարտության կարգավորման թեմային: Նա նշել է, որ Ղարաբաղյան հակամարտության կարգավորման համար տարվող բանակցություններում «լուրջ առաջընթաց» չկա: Այս մասին տեղեկացնում է interfax.az կայքը:
Բանակցություններում լուրջ առաջընթաց չգրանցելու պատճառը, ըստ Ադրբեջանի նախագահի, «Հայաստանի ղեկավարության ոչ կառուցողական դիրքորոշումն ու միջազգային կառույցների կողմից Հայաստանի նկատմամբ ոչ բավարար ճնշումն է»:
«Հայաստանի ղեկավարությունը նշում է, որ Ադրբեջանը պետք է բանակցի Լեռնային Ղարաբաղի հետ: Դա անհեթեթություն է: Այսօր Լեռնային Ղարաբաղում զինծառայողների 90%-ը Հայաստանի քաղաքացիներ են: Այդ իսկ պատճառով բանակցություններն ընթանում են Ադրբեջանի և Հայաստանի միջև: 2019 թվականին բանակցությունների ձևաչափն անփոփոխ մնաց՝ չնայած այն փոփոխելու Հայաստանի բոլոր ջանքերին»,-նշել է Ալիևը՝ դա համարելով «Ադրբեջանի դիվանագիտական հաջողությունը»:
Ադրբեջանի նախագահը նշել է նաև, որ «Հայաստանը, փորձելով փոխել բանակցությունների ձևաչափը, փորձում է ձգձգել դրանք և պատասխանատվությունը թողնել ուրիշների վրա»:
Երևանում խուլիգանական վարք դրսևորելու կասկածանքով ձերբակալվել է լեհական ակումբի 17 երկրպագու
Դաշտ են դուրս գալիս ձեւիստները
Ում դրոշը պետք է երեւա սահմանի այն կողմում
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Բեմ են դուրս գալիս «սոցիոլոգները»
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
200.000 դոլար՝ միջնորդության և 23.000 դոլար՝ կառուցապատման թույլտվության համար. Աղազարյանի գործը դատ...
61 միլիոն եվրո․ Մբապեն դատարանում հաղթել է ՊՍԺ–ին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով