Լավրովն այցելել է Սպիտակ տուն. Թրամփը համատեղ լուսանկար է հրապարակել (լուսանկարներ)
Միացյալ Նահանգների նախագահ Դոնալդ Թրամփն իր թվիթերյան էջում հրապարակել է Ռուսաստանի Դաշնության արտգործնախարար Սերգեյ Լավրովի հետ համատեղ լուսանկար՝ արված Սպիտակ տան օվալաձև աշխատասենյակում:
Ինչպես նշում է Daily Mail-ը, լուսանկարում ԱՄՆ նախագահը նստած է աշխատասեղանի շուրջ, իսկ ռուս դիվանագետը կանգնած է նրա կողքին:
Սպիտակ տան պաշտոնական հայտարարության համաձայն՝ նախագահ Թրամփը ՌԴ արտաքին քաղաքական գերատեսչության ղեկավարին նախազգուշացրել է, որ Ռուսաստանը պետք է զերծ մնա ամերիկյան ընտրություններում որևէ միջամտությունից, ինչպես նաև կոչ է արել Մոսկվային լուծել Ուկրաինայի հետ հակամարտությունը:
Ինչ վերաբերում է Թրամփի թվիթերյան հրապարակմանը, ապա նա գրել է.«Շատ լավ հանդիպում անցկացրի արտգործնախարար Սերգեյ Լավրովի և Ռուսաստանի մյուս ներկայացուցիչների հետ: Քննարկեցինք բազմաթիվ հարցեր, այդ թվում՝ առևտուրը, Իրանը, Հյուսիսային Կորեան, միջուկային համաձայնագիրը, միջուկային զենքի վերահսկումը և ընտրություններին միջամտությունը: Անհամբեր սպասում եմ մոտ ապագայում այս երկխոսության շարունակմանը»:
Նշվում է, որ Լավրովի այցը Սպիտակ տուն տևել է մեկ ժամ:
Բացի այդ, նա հանդիպում է ունեցել նաև իր ամերիկացի գործընկեր Մայք Պոմպեոյի հետ: Վերջինս Լավրովին նախազգուշացրել է, որ ամերիկյան ընտրություններին միջամտության դեպքում, Վաշինգտոնը պատասխան քայլեր կձեռնարկի:
Պարբերականը հավելում է, որ Լավրով-Թրամփ հանդիպումն անհանգստացրել է նախագահին պաշտոնանկ անել փորձող դեմոկրատներին, որոնք չեն բացառել, որ ԱՄՆ նախագահը կարող էր Լավրովի միջոցով գաղտնի տեղեկություններ փոխանցել ՌԴ նախագահ Վլադիմիր Պուտինին:
Հիշեցնենք, որ վերջին անգամ Թրամփը Սպիտակ տանը Լավրովին ընդունել էր 2017թ.:
Երկրպագուն թքել է Թիկնիզյանի վրա, հայ պաշտպանը գոլից հետո էմոցիոնալ պատասխան է տվել
Նա հույս ունի, որ այս միջադեպը լուրջ փոփոխություններ կբերի իր կյանքում
Հայտնի են այն ֆուտբոլիստների անունները, որոնց Ալեգրին ցանկանում է տեսնել Ռեալում
Թրամփի կրտսեր որդուն առաջարկել են ուղարկել Իրան․ Bild
Սկանդալ լոնդոնյան դերբիում. Նետուին լուրջ պատիժ է սպառնում
Եղիշե Մելիքյանը հրապարակել է Հայաստանի հավաքական հրավիրված լեգեոնականների ցանկը
Արաբկիր վարչական շրջանում տեղի ունեցած միջադեպի առնչությամբ. վնասազերծվել է հանցագործություն կատարող...
ԱՄՆ-ն և Իսրայելը հարվածներ են հասցրել Սպահանին. Tasnim
Գյումրի քաղաքի բնակիչը խանութում կեղծ օղիներ էր վաճառում. համայնքային ոստիկանների բացահայտումը
Մասնագիտական ուսուցումը կարող է ավելի գրավիչ դառնալ