Պոլսո Հայոց պատրիարքի ընտրության 1-ին փուլում, նախնական տվյալներով, հաղթում է Սահակ Մաշալյանը
Նախնական արդյունքների համաձայն, Պոլսո Հայոց 85-րդ պատրիարքի ընտրության առաջին փուլում ձայների ճնշող մեծամասնությամբ հաղթում է պատրիարքական տեղապահ Սահակ եպիսկոպոս Մաշալյանը:
Առավոտից թուրքահայությունը, ըստ իրենց գրանցման վայրի, քվեարկում էր պատրիարքի երկու թեկնածուներին ներկայացնող պատվիրակների օգտին: Ամենաշատ հայ բնակչություն ունեցող թաղամասերում՝ Ֆերիքյոյում, Բաքըրքյոյում, Յեշիլքյոյում և Սամաթիայում, բավական մարդաշատ էր, ընտրատեղամասերում կուտակումներ էին նկատվում, համայնքի անդամները եկել էին ընտրելու իրենց պատվիրակներին: Այնուհանդերձ, նախնական տվյալներով՝ մասնակցությունն այնքան էլ մեծ չէ եղել՝ շուրջ 30 տոկոս:
Ընդհանուր առմամբ, քվեարկությունը խաղաղ է անցել, Պատրիարքի երկու թեկնածուները՝ Սահակ եպիսկոպոս Մաշալյանն ու Արամ արքեպիսկոպոս Աթեշյանն այցելեցին իրենց գրանցման թաղամասեր՝ Բաքըրքյոյ և Ֆերիքյոյ, քվեարկեցին և շնորհակալություն հայտնեցին հավաքված պոլսահայությանը մասնակցության համար:
Պոլսո Հայոց պատրիարքի ընտրությունը անցկացվում է երկաստիճան սկզբունքով՝ համաձայն 1863 թվականի Ազգային սահմանադրության: Հոգևոր և աշխարհական պատվիրակները միասին են ընտրում պատրիարքին: Ամեն թեկնածու ունի համապատասխանաբար 102 պատվիրակ: Չորեքշաբթի օրը այսօր ընտրված աշխարհական պատվիրակներն ու երեկ երեկոյան ընտրված հոգևոր պատվիրակները միասին կընտրեն Պոլսո Հայոց նոր պատրիարքին:
Երևանում խուլիգանական վարք դրսևորելու կասկածանքով ձերբակալվել է լեհական ակումբի 17 երկրպագու
Դաշտ են դուրս գալիս ձեւիստները
Ում դրոշը պետք է երեւա սահմանի այն կողմում
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Բեմ են դուրս գալիս «սոցիոլոգները»
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
200.000 դոլար՝ միջնորդության և 23.000 դոլար՝ կառուցապատման թույլտվության համար. Աղազարյանի գործը դատ...
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)