Վրաստանի իշխանությունների և ընդդիմության ներկայացուցիչներին չի հաջողվել ընդհանուր հայտարարի գալ
Վրաստանի իշխանությունների և ընդդիմության ներկայացուցիչների հանդիպումն ավարտվել է առանց արդյունքները, կողմերին չի հաջողվել ընդհանուր հայտարարի գալ ընտրական համակարգի փոփոխությունների շուրջ:
Ինչպես հայտարարել է ընդդիմադիր գործիչ Գրիգոլ Վաշաձեն, իշխանությունները չունեին որևէ առաջարկ և գաղափար, իսկ ընդդիմության ցանկացած առաջարկ նրանք կտրականապես մերժել են: Հանդիպմանը մասնակցած իշխանության ներկայացուցիչը՝ արդարադատության նախարար Թեա Ցուկուլյանին իր հերթին հայտարարել է, թե ընդդիմության առաջարկը ակնհայտորեն հակասում է երկրի Սահմանադրությանը:
Իշխող «Վրացական երազանք» կուսակցությունը նախ խոստացել էր 2020 թվականի խորհրդարանական ընտրություններն անցկացնել բացառապես համամասնական ընտրակարգով, այնուհետև տապալել այդ մասին օրենսդրական նախաձեռնությունը, ինչը երկրում բողոքի մեծ ալիք բարձրացրեց:
Վրաստանում երկրորդ շաբաթն է՝ բողոքի ցույցերը չեն մարում, ընդդիմությունը պահանջում է մինչև 2020 թվականը վերացնել մեծամասնական ընտրակարգը: Խնդրի շուրջ միավորված վրացական ընդդիմադիր ուժերը միասնաբար մշակել են այսպես կոչված «գերմանական մոդել», որը բացառում է որևէ ուժի կողմից խորհրդարանական բացարձակ մեծամասնություն ունենալու հնարավորությունը:
Այսօրվա հանդիպումից հետո ընդդիմադիր առաջնորդ Գիգա Բոկերիան հայտարարել է, որ բողոքի ակցիաները կշարունակեն այնքան ժամանակ, մինչեւ չհասնեն արդյունքի:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Խամենեիի գտնվելու վայրը գաղտնի է պահվում՝ անվտանգությունից ելնելով
Գազամատակարարման վթարային դադարեցում Երևանի մի շարք հասցեներում
Սամվել Կարապետյանին կալանավորելու միջնորդություն է ներկայացվել
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Հունվարի 1-ից կարգելվի պոլիէթիլենային տոպրակների և մեկանգամյա օգտագործման պլաստիկ ապրանքների օտարում...