Թքած, թե երկիրը դատարկվում է, կարեւորը դիտումների քանակն է

ԱՄՆ ազգային հետախուզության տնօրեն Դենիել Քոութսի՝ կոնգրեսին ներկայացված զեկույցում նշված է նաեւ, որ Լեռնային Ղարաբաղում ռազմական լայնածավալ գործողությունների վերսկսման հավանականությունը 2017-ին կպահպանվի։ 

«Լեռնային Ղարաբաղի կապակցությամբ Հայաստանի ու Ադրբեջանի միջեւ լարվածությունը աճել է 2016-ի ապրիլին, փոխզիջման գնալու՝ կողմերի դժկամությունից ու ներքին աճող ճնշումից ենթադրվում է, որ ռազմական լայնածավալ գործողությունների վերսկսման հավանականությունը 2017-ին կպահպանվի։

Ուշադրություն դարձրեք, որ հատուկ շեշտվում է, թե ռազմական գործողության հնարավորությունը կպահպանվի: Այսինքն, այն եղել է եւ նախկինում:

Հատուկ շեշտում ենք, որ քանի դեռ Արցախի հարցը չի գտելիր լուծումը,կարգավորումը, ռազմական գործողությունների վերսկսման հավանականությունը պահպանվում է:

Հայաստանյան կայքերից մեկը դիտումների քանակ ապահովելու համար այս լուրը վերնագրել է այսպես՝ ԱՄՆ ազգային հետախուզությունը հնարավոր է համարում 2017-ին Ղարաբաղում մարտական գործողությունների վերսկսումը:

Ընդամենը մի բառի փոփոխություն: Հավանականը փոխարինվել է հնարավորով եւ ստացվել է մի վերնագիր, որն ընթերցելուց հետո նրանք, ովքեր մտածում են երկրից հեռանալու մասին կսկսեն արդեն մտածել տոմս գնելու մասին, ովքեր չէին մտածում, կսկսեն մտածել: Համաձայնվեք, դժվար է մարդուն համոզել չհեռանալ, երբ իրեն ասում են, թե պատերազմի վերսկսման հնարավորությունը մեծ է:

Հիմա հարց,երբ է մեր երկրի պաշտպանության նախարարությունը լրատվամիջոցներին հրավիրելու մտերմիկ զրույցի, որ բացատրեն, թե ինչ է նշանակում պատերազմի, մարտական գործողությունների, ռազմաճակատում հաստատված իրավիճակի մասին լուր կամ հոդված գրելը:

Ցավոք, կայքերից մեծ մասի համար կարեւորը դիտումների քանակն է, եւ թքած ունեն, թե սենսացիոն վերնագրերն ինչի կարող են հանգեցնել:

Ինչ վերաբերում է Քոութսի զեկույցին, ապա այնտեղ նաեւ նշված է, որ Ադրբեջանում շարունակվող տնտեսական խնդիրները մարտահրավեր կդառնան ռեժիմի համար, ինչի կապակցությամբ հանուն իշխանության պահպանման այլախոհության ճնշման միտումը կաճի, ընդ որում Բաքուն շարունակում է Ռուսաստանի, Իրանի ու Արեւմուտքի հետ հարաբերությունները հավասարակշռելու փորձերը։

Հուսանք, որ համապատասխան մարմինները որոշակի եզրահանգում կանեն, հակառակ դեպքում տպավորությունը կստեղծվի, որ հատուկ քաղաքականություն է իրականացվում ժողովրդին մշտական վախի մեջ պահելու համար:

Top-News.am

Այս թեմայով «Ղարաբաղյան հակամարտության խաղաղ կարգավորումը Հայաստանի գլխավոր առաջնահերթությունն է». Ռուբեն Ռուբինյան Արցախի ՊԲ հրամանատարի ղեկավարությամբ անցկացվել է հավաք-խորհրդակցություն «Ղարաբաղյան հակամարտության կարգավորման համար հստակ ժամկետներ չենք դնում». Զախարովա (տեսանյութ) Արցախի Զինված ուժերը կհամալրվեն ժամանակակից զինտեխնիկայով. Բակո Սահակյան Բակո Սահակյանը մի շարք օրենքներ է ստորագրել