«Ղարաբաղյան հակամարտության կարգավորման համար հստակ ժամկետներ չենք դնում». Զախարովա (տեսանյութ)

Ռուսաստանի Դաշնության արտգործնախարարության պաշտոնական ներկայացուցիչ Մարիա Զախարովան իր հերթական ճեպազրույցի ժամանակ խոսել է 2019 թվականին Արցախի հակամարտության կարգավորման հեռանկարի մասին:

ՌԴ ԱԳՆ խոսնակը նշել է, որ հակամարտության կարգավորման հարցն իրենք ժամանակային շրջանակի մեջ չեն դնում:

«Մենք միշտ հանդես ենք եկել հակամարտության շուտափույթ կարգավորման և այդ կարգավորումն ապահովող միջոցների օգտին: Հստակ ժամկետների մասին ես կնախընտրեմ չխոսել: Պատմությունը երկարատև է, ցավոք, սա ձգձգվող հակամարտություն է: Ինչ վերաբերում է ռուսական կողմին՝ որպես (ԵԱՀԿ Մինսկի խմբի) համանախագահ և թե՛ Ադրբեջանի, թե՛ Հայաստանի հետ ընդհանուր անցյալ ու պատմություն ունեցող երկիր, մեր կողմից կարվի անհրաժեշտ ամեն բան»,- ասել է Զախարովան:

Նա նաև դժվարացել է նշել, թե արդյոք Ռուսաստանը հանդես կգա որպես 2019-ի հունվարին Հայաստանի ու Ադրբեջանի ԱԳՆ ղեկավարների հանդիպման կազմակերպիչ:

Տեսանյութը կարող եք դիտել 48:20-ից.

Այս թեմայով «Ղարաբաղյան հակամարտության խաղաղ կարգավորումը Հայաստանի գլխավոր առաջնահերթությունն է». Ռուբեն Ռուբինյան Արցախի ՊԲ հրամանատարի ղեկավարությամբ անցկացվել է հավաք-խորհրդակցություն Արցախի Զինված ուժերը կհամալրվեն ժամանակակից զինտեխնիկայով. Բակո Սահակյան Բակո Սահակյանը մի շարք օրենքներ է ստորագրել Արցախի հարցում որեւէ նոր բան չկա. Ակտիվությունը ցածրից մի փոքր բարձր է. Փաշինյան