Վրաստանի խորհրդարանի դիմաց ցուցարարները սկսել են բարիկադներ կառուցել
Թբիլիսիի կենտրոնում Վրաստանի խորհրդարանի շենքի մոտակայքում ցուցարարները սկսել են բարիկադներ կառուցել: Նրանք ավազով եւ շինարարական աղբով լի պարկերով փակել են Զուբալաշվիլի եղբայրների փողոցը, հաղորդում է Նովոստի Գրուզիան:
Ավելի քան 20 ընդդիմադիր կուսակցություններ այսօր Թբիլիսիի կենտրոնում մասշտաբային բողոքի ակցիա են անցկացնում՝ ի պատասխան սահմանադրական բարեփոխումների ձախողման: Ավելի վաղ նրանք հայտարարել են «խորհրդարանի լիարժեք պիկետավորման» սկզբի մասին եւ արգելափակել են խորհրդարանի բոլոր մուտքերը:
«Սա աղբ է, որը մենք գտել ենք խորհրդարանի մոտակայքում: Այս աղբը պետք է տանել Կալաձեի մոտ: Երբ նա վստահ միջնամատ է ցույց տալիս, թող ուղղություն տա եւ այդ աղբը դուրս բերի քաղաքից… Աղբը բերել ենք այստեղ, որպեսզի ցույց տանք, թե ինչ վիճակում է քաղաքը: Սա գործողությունների խաղաղ ծրագիր է ոչ բռնի, խաղաղ ճանապարհով հաղթանակի համար: Սա շինարարական աղբ է, որը մնացել է քաղաքի կենտրոնում»,- լրագրողներին ասել է «Նոր Վրաստան» կուսակցության առաջնորդ Գեորգի Վաշաձեն:
Խորհրդարանի մոտ ավազով եւ փայտով լի պարկերը տարել են ընդդիմադիր «Եվրոպական Վրաստան» կուսակցության առաջնորդներ պատգամավոր Գիգա Բոկերիան եւ Թբիլիսիի նախկին քաղաքապետ Գիգի Ուգուլավան: Նրանք պահանջում են, որպեսզի ոստիկանությունը թույլ տա այդ վայր բեռնատար մեքենայի մուտքը, սակայն իրավապահները մերժել են: ՆԳՆ աշխատակիցները բացատրել են, որ ցանկացած մասնավոր տրանսպորտ չի կարող գտնվել ակցիայի անցկացման վայրում՝ ելնելով անվտանգության նկատառումներից:
Թեթեւ լեզվակռվից հետո ընդդիմադիրներն ու նրանց աջակիցներն ինքնուրույն մեքենայից դուրս են բերել պարկերը:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...