Մոսկովյան դատարանը սնանկության գործ է հարուցել Կոբզոնից 25 միլիոն դոլար վերցրած ու չվերադարձրած գործարարի դեմ
Մոսկվայի արբիտրաժային դատարանը ԽՍՀՄ ժողովրդական արտիստ Իոսիֆ Կոբզոնի այրու՝ Նելլի Կոբզոնի հայցի հիման վրա գործ է հարուցել խարդախության համար դատապարտված գործարար Վագիֆ Փեյսախովին սնանկ ճանաչելու առնչությամբ, գրում է РИА Новости-ն:
Փեյսախովի անվճարունակության մասին դատական գործի քննությունը նշանակված է դեկտեմբերի 11-ին: Կոբզոնի այրին արբիտրաժային դատարան էր դիմել հոկտեմբերի 30-ին: Կոբզոնի կինը պահանջել է սնանկ ճանաչել գործարարին, որը հանգուցյալ Կոբզոնին 25 միլիոն դոլարի չափով գումար է պարտք:
Հիշեցնենք, որ 2016 թվականին Փեյսախովին դատապարտել են 6 տարվա ազատազրկման` առավելապես խոշոր չափի խարդախության մեղադրանքով: Ըստ քննության տվյալների՝ գործարարը բազմիցս Կոբզոնից պարտքով գումար է վերցրել՝ սեփական բիզնեսը զարգացնելու համար, և չի վերադարձրել: 2014 թվականի փետրվարին երգիչը պահանջել է պարտքի վերաբերյալ 2 պայմանագիր կնքել: Երկու պայմանագրերով սահմանված պարտքի չափը կազմել է 25 միլիոն դոլար:
Պայմանագրի կնքումից մեկ ամիս անց գործարարը հայտարարել է, որ պայմանագրով սահմանված պարտավորությունները չի կարող կատարել, քանի որ ամբողջ գումարը տանուլ է տվել պոկեր խաղում: Այդ ժամանակ Կոբզոնը ոստիկանություն է դիմել, որն էլ քրեական գործ է հարուցել: Ինչպես պարզել են քննիչները, գործարարն ի սկզբանե չի պատրաստվել վերադարձնել երգչի գումարը և խաբել է նրան:
Օդինցովյան քաղաքային դատարանը Փեյսախովին մեղավոր էր ճանաչել՝ բավարարելով Կոբզոնի հայցը:
Կոբզոնը մահացել է 2018 թվականի օգոստոսի 30-ին՝ երկարատև հիվանդությունից հետո:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Իրանական պատվիրակությունը Դոհայում բանակցություններ է վարել Կատարի միջնորդների հետ