Քայլի Ջեների այս տարվա հելոուինյան կերպարներից մեկը ոգեշնչված է Մերիլին Մոնրոյի կերպարով (լուսանկարներ)

Աշխարհի ամենաերիտասարդ միլիարդատիրուհի Քայլի Ջեների այս տարվա հելոուինյան կերպարներից մեկը ոգեշնչված է 20-րդ դարի ամենահայտնի դերասանուհիներից մեկի՝ Մերիլին Մոնրոյի կերպարով, գրում է Daily Mail-ը:

Աղբյուրը հաղորդում է, որ Քայլին այդ կերպարն ընտրել է V ամսագրի հատուկ ֆոտոշարքի համար և տեսախցիկների առջև դիրքավորվել Մոնրոյի՝ «Ջենթլմենները նախընտրում են շիկահերներին» ֆիլմից հայտնի դիրքով:

Ամերիկյան իրապատում շոուի աստղը կրել է վարդագույն ատլասե զգեստ, ձեռնոցներ և ադամանդյա շողշողուն մանյակ, ականջօղեր և թևնոցներ:

Քայլին շաբաթվա սկզբից հանդես է եկել մի շարք հելոուինյան կերպարներով՝ ներառյալ Արիել ջրահարսի և «Playboy-ի նապաստակի» կերպարներով:

Օրեր առաջ դիմահարդարման մագնատն Instagram-ում հրապարակել էր նաև իր մեկուկես տարեկան դստեր՝ Սթորմի Վեբսթերի հելոուինյան կերպարը, որում վերջինս կրկնօրինակում էր Քայլիի Met Gala-ի տեսքը: