Լեդի Գագան «թռել» է երկրպագուի գիրկն ու ընկել բեմից
Լաս Վեգասում Enigma համերգային ծրագրի ընթացքում երգչուհի Լեդի Գագան երկրպագուի հետ ընկել է բեմից: Այս մասին գրում է ամերիկյան Etonline.com կայքը։
Հերթական երգի ժամանակ Գագան բեմ է կանչել երկրպագուներից մեկին, ցատկել նրա վրա և սկսել է պարել: Երկրպագուն կորցրել է հավասարակշռությունը և, երգչուհուն գրկած, ընկել բեմից` այլ մարդկանց վրա։
Մի քանի երկրպագուներ, որոնց «բախտ չի վիճակվել» գրկվել իրենց կուռքի հետ, տեսանկարահանել են Գագայի ընկնելը։ Տեսանյութերից մեկում երևում է, թե ինչպես է Գագան ընկնելուց հետո վեր կենում և ասում. «Ամեն ինչ օքեյ է»։ Հետո բարձրանում է բեմ՝ շարունակելու իր ելույթը։ Սակայն տեսանյութերում չի երևում` ինչ ճակատագրի է արժանանում 33-ամյա երգչուհու հետ ընկած երիտասարդը։
Սա Լեդի Գագայի` բեմից ընկնելու առաջին դեպքը չէ։ Այս տարվա հունիսին իր համերգներից մեկի ժամանակ երգչուհին ընկել էր ծանր մետաղական հագուստի պատճառով: Մի քանի տարի առաջ էլ խճճվել էր երկար հագուստի մեջ ու էլի ընկել: Բոլոր դեպքերում էլ սուպերաստղն առանց ոգևորվածությունը կորցնելու շարունակել էր իր ելույթները։
Երգչուհի, կոմպոզիտոր, պրոդյուսեր, դիզայներ և դերասանուհի Լեդի Գագան այս տարի «Օսկար» մրցանակ է ստացել Բրեդլի Կուպերի «A Star Is Born» ֆիլմում լավագույն երգի համար: Նա իր կարիերան սկսել է ակումբային ելույթներով, իսկ 2007-ի վերջին պրոդյուսեր Վինսենթ Հերբերտը երգչուհու հետ համագործակցության պայմանագիր է ստորագրել, ինչն առաջին քայլն է դարձել նրա աստղային կարիերայում։
—
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում