Մաքքեյնը խոստանում է մտածել նոր հակառուսական պատժամիջոցներ կիրառելու շուրջ
ԱՄՆ սենատոր Ջոն Մաքքեյնը խոստացել է նոր միջոց գտնել հակառուսական լրացուցիչ պատժամիջոցներ մտցնելու համար։ Նա նաեւ ասել է, որ ինքն ու իր մյուս գործընկերը՝ Լինդսի Գրեմը կգործադրեն բոլոր ջանքերը դրան հասնելու համար։
–Մենք կուսումնասիրենք այլ տարբերակներ, այդ թվում Սենատի՝ զինված ուժերի կոմիտեի շրջանակներում,– Մաքքեյնի խոսքերն է մեջբերում «The Hill»-ը։
Սենատորը կրկին հայտարարել է, որ Ռուսաստանը խառնվել է ԱՄՆ նախագահի ընտրությունների գործընթացին, իսկ կոնգրեսը մինչ այժմ ոչինչ չի ձեռնարկել այդ կապակցությամբ։
Ընդ որում, ոչ Մաքքեյնը, ոչ ամերիկյան իշխանության այլ անդամներ որեւէ ապացույց չեն ներկայացրել։