Արքայադուստր Դիանայի հետքերով. Քեմբրիջի դուքսն ու դքսուհին այցելել են Պակիստանի Չիթրալ շրջան (լուսանկարներ)
Քեմբրիջի դքսուհի Քեյթ Միդլթոնը կրկին աշխարհին հիշեցրել է արքայադուստր Դիանայի մասին` հանրությանը ներկայանալով նույն ավանդական չիթրալական գլխարկով, ինչով արքայադուստր Դիանան ներկայացել էր մոտավորապես երեք տասնամյակ առաջ Պակիստան կատարած այցի ժամանակ, գրում է Daily Mail-ը:
Արքայազն Ուիլյամը և Քեյթ Միդլթոնը Պակիստանի Չիթրալ շրջան կատարած այցի ժամանակ կրել են պակիստանյան ավանդական հագուստ` հետևելով արքայադուստր Դիանայի «քայլերին», որը 28 տարի առաջ` 1991 թվականին, այց էր կատարել նույն շրջան: Արքայական զույգին արքայադուստր Դիանայի հիշարժան այցելության նկարներով գիրք են նվիրել:
Չիթրալական գլխարկներ սովորաբար կրում են տղամարդիկ, սակայն Քեյթը` որպես հատուկ հյուր, նույնպես այն կրելու հնարավորություն է ունեցել: Քեյթը նաև ազգային զարդանախշերով շալ է կրել, իսկ Ուիլյամը` ասեղնագործ թիկնոց: Դիանան 1991-ի իր այցի ժամանակ նույնպես չիթրալյան սկաուտների գլխարկ է կրել:
Քեմբրիջի դուքսը և դքսուհին, որոնք կանգ էին առել Չիթրալում ուղղաթիռը վերալիցքավորելու համար, ցանկանալով իրենց այցով անդրադարձ կատարել նաև կլիմայական փոփոխություններին` այցելել են տեղի հալչող սառցադաշտերից մեկը: Չիատիբո սառցադաշտն արքայական զույգի տեսած առաջին հալչող սառցադաշտն էր:
Լեռնաշղթայի ձնապատ կատարների միջև կանգնած` դուքսը հայտարարել է, որ «խոցելի համայնքները» կրթության և իրազեկվածության ավելի մեծ կարիք ունեն:
Դուքսն ակնհայտորեն հետաքրքրված է եղել սառցադաշտի «ճակատագրով» և փորձագետ Ֆուրուխ Բաշիրին շարունակաբար հարցեր է ուղղել դրա չափերի և ջրհեղեղների հաճախականության վերաբերյալ:
Տարածաշրջանի սառցադաշտերը 1,6 միլիարդ մարդու են ջրով ապահովում: Տարածքում մոտավորապես 5 հազար սառցադաշտ կա, իսկ դրանց 70 տոկոսը «նահանջում» է:
Սառցադաշտերի հալոցքի առաջին վտանգը հեղեղներն են, իսկ երկրորդը` ջրի պաշարների ոչնչացումը:
Երեկ երեկոյան Քեմբրիջի դուքսն իր ելույթում կոչ էր արել երկու երկրներին` Միացյալ Թագավորությանը և Պակիստանին, համատեղել ջանքերը` գլոբալ աղետը կանխելու համար:
«Բարով-խերով գնամ Թուրքիա գամ, հետո իրանց կասեմ` փիղն ինչ թռչուն է»
Փոխվում է դեպի Վրաստան և հակառակ ուղղությամբ ոչ կանոնավոր ուղևորափոխադրումների կարգը
Իրանը գրոհել է իսրայելական կործանիչների բազաները
Իսրայելն անօդաչու թռչող սարքեր է արձակել Նախիջևանից և Ղարաբաղից. Իրանցի քաղաքագետ
Անի Մանուչարյան - Հայ
Ռազմիկ Մկրտչյանին փոխարինողը՝ սկանդալում
Սա կարող է ծանր հետևանքներ ունենալ Փաշինյանի համար. Ֆրանց Կլինցևիչ
Պատրաստ ենք հարձակման անցնել Իրանի դեմ. Քրդստանի ազատության կուսակցության առաջնորդ
Ռուսաստանի ԱԳՆ-ն մեկնաբանել է «Հայաստանի էլեկտրական ցանցերը» ազգայնացնելու Փաշինյանի առաջարկը
Սամվել Կարապետյանի հայտարարությունից հետո Փաշինյանն իր մոտ է կանչել Հայկ Կոնջորյանին