Քիմ Քարդաշյանի քույրը հայերեն է խոսել ռեստորանում
Քարդաշյանների ընտանիքը ճաշել է հայկական ռեստորաններից մեկում: Քորթնի Քարդաշյանն ամբողջ ընթացքում մատուցողների հետ հայերեն է խոսել։
Ամերիկահայ հեռուստաաստղ Քիմ Քարդաշյանը քրոջ` Քորթնի Քարդաշյանի և երեխաների հետ երեկ ճաշել է «Լավաշ» ռեստորանում։ Sputnik Արմենիայի հետ զրույցում ռեստորանի տնօրեն Վանիկ Գաբրիելյանը նշեց, որ հատկապես Քորթնին շատ է զարմացրել իրենց։
«Մատուցողները հաճելիորեն զարմացել էին. Քորթնի Քարդաշյանը նրանց հետ ամբողջ ընթացքում խոսում էր հայերեն, հաղորդակցվում շատ ազատ»,– ասաց նա։
Գաբրիելյանը պատմեց նաև, որ Քարդաշյանների օգնականը ճաշից մոտ կես ժամ առաջ է կապ հաստատել ռեստորանի հետ, խնդրել ուղարկել ճաշացանկը` ծանոթանալու համար։ Քանի որ հյուրերի ժամանակը սեղմ է եղել, ուտեստները նախապես են պատվիրել։
Շատ են հավանել թփով տոլման, առանձնահատուկ գովասանքի խոսքեր են ասել ճաշացանկում նոր տեղ գտած ուտեստի՝ ընկույզով պաշտետի մասին։ Նաև կերել են հայկական խորոված, ձուկ, բրինձ։ Շատ են սիրել մատուցված տնական կոմպոտները, երեխաները հիմնականում կերել են ֆրի ու տապակած կարտոֆիլ։ Բացի պատվիրված ուտեստներից, ռեստորանում Քարդաշյանների ընտանիքին մատուցվել է նաև ղափամա՝ որպես ավանդական խոհանոցի գեղեցիկ ու համեղ ուտեստ։
Հյուրերին դուր է եկել թե՛ համը, թե՛ մատուցման ձևը։ Ռեստորանում երկար չեն մնացել, քանի որ օրակարգը խիտ է եղել, արագ ճաշել են և գնացել։
Հիշեցնենք, որ համաշխարհային աստղ Քիմ Քարդաշյանը, քույրը՝ Քորթնին, և նրանց երեխաները Հայաստան են ժամանել հոկտեմբերի 6-ին։ Քիմ Քարդաշյանի երևանյան այցելության նպատակը WCIT 2019–ին մասնակցությունն է։ Հոկտեմբերի 6-9–ն անցկացվող ՏՏ համաշխարհային համաժողովին Քիմ Քարդաշյանը մասնակցում է որպես հատուկ զեկուցող և մոդերատոր։
Այս ընթացքում Քիմն ու Քորթնին արդեն հասցրել են մկրտել իրենց երեխաներին Էջմիածնում, Քիմն արդեն հայտարարել է, որ ԱՄՆ է մեկնելու բիզնես գաղափարներով։
«Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ)
«Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ)
«ԱՄՆ-ի անեծքը». Քիմ Քարդաշյանը մերկ նկարահանվել է դրոշի ֆոնին
Fendi-ն հավաքածու է պատրաստում Քիմ Քարդաշյանի հետ
«Ես չեմ խնդրել հայուհի լինել։ Իմ բախտը պարզապես բերել է». Քիմ Քարդաշյան
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում