Վանում մեկ օրում երեք երկրաշարժ է գրանցվել
Այժմյան Թուրքիայի տարածքում գտնվող Վանի նահանգի Գևաշ շրջանում նախօրեին ուշ երեկոյան գրանցվել է միանգամից երկու` 4.5 և 4.1 մագնիտուդ ուժգնությամբ երկրաշարժ։ Այս մասին հայտնում է թուրքական IHA գործակալությունը` հղում անելով Թուրքիայի արտակարգ իրավիճակների նախարարության տեղեկատվական ծառայությանը:
Ցնցումները գրանցվել են մի քանի րոպե տարբերությամբ: Առաջին երկրաշարժի օջախը գտնվել է 13,6, իսկ երկրորդինը՝ 13,56 կմ խորության վրա:
Նախօրեին վաղ առավոտյան Գևաշ շրջանում գրանցվել էր 3.6 մագնիտուդ ուժգնությամբ երկրաշարժ, ստորգետնյա ցնցումների օջախը գտնվել է 9,6 կմ խորության վրա: