Իրաքի Քուրդիստանում Հայոց ցեղասպանության զոհերի հիշատակին նվիրված միջոցառում է անցկացվել
Իրաքի Զախո քաղաքում անցկացվել է Օսմանյան Թուրքիայում Հայոց ցեղասպանության 102-րդ տարելիցին նվիրված միջոցառում։
Իրաքի Քուրդիստանում գտնվող քաղաքում, Թուրքիայի հետ սահմանի մոտ, 200 հայկական ընտանիք է ապրում։ Նրանք բոլորը Քուրդիստան են տեղափոխվել 1915-ին, երբ սկսվել է Հայոց ցեղասպանությունը, հայտնում է Rudaw–ն։ Այստեղ ապրող հայերը այն հայերի սերունդն են, որոնք փախել են Բիթլիս, Էրզրում, Վան ու Մուշ նահանգներից։
Հայերը այստեղ մեկ տեղ ունեն Քուրդիստանի խորհրդարանում, նաև մեկ տեղ՝ Դախուկ նահանգի Խորհրդում։ Քաղաքում կա նաև դպրոց, որտեղ տեղի հայերը կարող են հայերեն ուսում ստանալ։
«Քուրդիստանում մենք թվով քիչ ենք, բայց Փառք Աստծու, մենք ունենք բոլոր իրավունքները»,-նշել է Իշխան Միլկոն, Դախուկ նահանգի խորհրդի անդամը։