Արքայազն Հարին և Մեգանը կրկին խախտել են թագավորական արարողակարգը

Մեծ Բրիտանիայի արքայազն Հարին և նրա կինը՝ Մեգան Մարքլը, իրենց արտերկրյա առաջին պաշտոնական այցի ընթացքում խախտել են թագավորական արարողակարգը: Սասեքսի դուքսն ու դքսուհին մեկնել են Հարավաֆրիկյան Հանրապետություն: Այդ մասին Известия-ի փոխանցմամբ՝ հայտնում է The Sun-ը:

Աղբյուրի հաղորդմամբ՝ հակառակ արարողակարգային պահանջներին՝ զույգը մարդկանց խնդրել է հրաժարվել պաշտոնական դիմելաձևից, ինչպիսին է՝ «Ձերդ գերազանցություն», և ողջունելիս դիմել իրենց անուններով:

Դուքսը և դքսուհին որոշել են ավելի ազատ լինել իրենց առաջին ընտանեկան ուղևորության ժամանակ և չեն հրաժարվում մարդկանց գրկելու կամ համբուրելու ցանկությունից, ինչը բնորոշ չէ բրիտանական թագավորական ընտանիքի անդամներին:

Միաժամանակ, փորձագետները նշում են, որ թագավորական արարողակարգում պաշտոնական դիմելաձևերը նշված չեն, ուստի ամուսիններն իրավունք ունեն խնդրել ուրիշներին հանդիպումների ժամանակ հրաժարվել ձևականություններից:

Տասնօրյա շրջագայության առաջին օրը արքայազն Հարին և Մեգան Մարքլը այցելել են Քեյփթաուն, որտեղ դքսուհին հասարակական կազմակերպությունների ներկայացուցիչների հետ քննարկել է կանանց և երեխաների իրավունքների պաշտպանության հարցերը: Ելույթի ընթացքում Մարքլն ասել է, որ եկել է Հարավային Աֆրիկա՝ որպես «բրիտանական թագավորական ընտանիքի անդամ և որպես մայր, կին և քույր հարավաֆրիկացի կանանց համար», ինչը ծափահարությունների փոթորիկ է առաջացրել:

Այս թեմայով Արքայազն Չարլզը դադարել է ֆինանսավորել Հարիին ու Մեգան Մարքլին Բրիտանական թագավորական ընտանիքի կայքից ջնջվել են Մեգան Մարքլի, արքայազններ Հայրիի եւ Էնդրյուի հաշիվները Բացահայտվել է, թե ով է արքայական ընտանիքի ամենագեղեցիկ կինը Հարին և Մեգանը վերադառնում են Մեծ Բրիտանիա Արքայազն Ֆիլիպը կորոնավիրուսի պատճառով ծննդյան 99-ամյակին խուսափել է մեծ խնջույքից, հրավառությունից