Գերմանիայի ԱԳՆ ղեկավարը քննադատել է Թրամփի դստերը
Գերմանիայի արտաքին գործերի նախարար Զիգմար Գաբրիելը քննադատության է ենթարկել Իվանկա Թրամփին ԱՄՆ նախագահի օգնականի պաշտոնում նշանակումը։
«Կան բաներ, որոնք ինձ տարօրինակ են թվում, օրինակ, նրա դստեր այցը Գերմանիա, որը դիտվում էր գրեթե որպես համաշխարհային իրադարձություն, ընդ որում քաղաքականության, ընտանիքի եւ բիզնեսի խառնուրդը քավոր–սանիկություն է հիշեցնում, ինչն անմտություն է այս դեպքում»,– ասել է ԳՖՀ արտգործնախարարը հարցազրույցներից մեկում։
Գաբրիելը նկատի ունի այս շաբաթ Իվանկա Թրամփի այցելությունը Բեռլին (նա մասնակցում էր «կանանց քսանյակի» (W20) գագաթնաժողովին՝ կանցլեր Անգելա Մերկելի հրավերով)։