«Ուրախ եմ, որ իմ Տատյանան վերադարձել է». լրատվամիջոցները հայտնում են Արմեն Ջիգարխանյանի՝ նախկին կնոջ հետ միանալու մասին

ԽՍՀՄ ժողովրդական արտիստ Արմեն Ջիգարխանյանը հայտնել է նախկին կնոջ՝ Տատյանա Վլասովայի հետ վերամիավորվելու մասին: Դերասանի խոսքով՝ նա, թեև առողջական խնդիրներին, իրեն լիովին երջանիկ է զգում:

«Մենք իրականում չգիտենք` ինչպիսին է երջանկությունը… լուռ, աղմկոտ… Ահա ես մտածում եմ, որ երջանկությունն այն է, երբ դու ինչ-որ բան հաղթահարում ես: Երբ ցավն ավարտվում է՝ դա երջանկության գագաթնակետն է: Առանց սխալների, միևնույն է, չէի ապրի: Այս կյանքում սխալվում է յուրաքանչյուրը»,- արտիստի խոսքերը մեջբերել է СтарХит-ը:

Արմեն Ջիգարխանյանը Վլասովայից բաժանվել է 2015 թվականին, այնուհետև ամուսնացել է Վիտալինա Ցիմբալյուկ-Ռոմանովսկայայի հետ: Այս ամուսնությունից հետո Վլասովան մեկնել էր ԱՄՆ՝ բնակության: Սակայն երիտասարդ դաշնակահարուհու հետ ամուսնությունը երկար չտևեց: 2017 թվականի աշնանը զույգը բաժանվել է: Այդ ժամանակ արտիստը հոսպիտալացվել էր ու պատմել, որ «ստոր կինը խաբեությամբ տիրացել է իր ունեցվածքին»:

«Ուրախ եմ, որ իմ Տատյանան վերադարձել է, միասին կծերանանք»,- ասել է 83-ամյա ռեժիսորը:

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)