Սամարայում ոչ սթափ վիճակում ելույթ ունեցած Դիմա Բիլանին սխալն ուղղելու հնարավորություն են տվել
Ռուս երգիչ Դիմա Բիլանը անվճար համերգ կտա Սամարայի բնակիչների համար՝ հայցելով նրանց ներողամտությունը Մոսկվայի օրվան նվիրված համերգին բեմում «ոչ պատշաճ պահվածքի» համար: Այդ մասին հայտնել է շրջանի նահանգապետ Դմիտրի Ազարովը, հաղորդում է Lenta.ru-ն:
Աղբյուրի փոխանցմամբ՝ Ազարովը նշել է, որ իր հետ կապ է հաստատել երգչի պրոդյուսեր Յանա Ռուդկովսկայան և խնդրել թույլատրել Բիլանին անվճար համերգ տալ և հնարավորություն տալ նրան անձամբ ներողություն խնդրել հանդիսատեսից: Սամարայի քաղաքապետ Ելենա Լապուշկինայի հետ հանդիպումից հետո նահանգապետը որոշել է սեպտեմբերի 29-ին Դիմա Բիլանին համերգի համար տրամադրել Քույբիշևի հրապարակը:
Ազարովը շեշտել է, որ ինքը հասկանում է Սամարայի բնակիչների վրդովմունքը, որոնք ականատես են եղել երգչի ելույթին արբած վիճակում: «Այնուամենայնիվ, սխալվելը շատ ավելի հեշտ է, քան դա ընդունելն ու կրկին անվճար համերգով հանդես գալը: Դրա համար հաստատ Դիման արժանի է երկրորդ հնարավորության», - ասել է նա:
Նա հույս է հայտնել, որ քաղաքի բնակիչները կընդունեն երգչի ներողությունը, քանի որ նրանք «առանձնանում են բարությամբ»: «Հուսով եմ, որ նոր ներկայացման ժամանակ ամեն ինչ լավ կլինի, և քաղաքը կրկին կունենա հետաքրքիր հանգստյան օրեր» - ամփոփել է Ազարովը:
Նշենք, որ սեպտեմբերի 9-ին հաղորդվել էր, որ Դիմա Բիլանի համերգին ներկա գտնվածները քննադատել էին նրան՝ բեմում «ոչ պատշաճ պահվածքի» համար: Երգչին մեղադրում էին վոկալի փոխարեն տարօրինակ հնչյուններ արտաբերելու և նաև անպարկեշտ ժեստեր ցուցադրելու մեջ: Ավելի ուշ, Բիլանը խոստովանել էր, որ ելույթ է ունեցել ոչ սթափ վիճակում:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Իրանական պատվիրակությունը Դոհայում բանակցություններ է վարել Կատարի միջնորդների հետ