Ասադի ինքնաթիռները գնդակոծել են փախստականների ճամբարը. կան զոհեր եւ վիրավորներ
Սիրիայի հյուսիսում, Իդլիբ գավառի Մահարատ էլ–Նուման թաղամասում տեղակայված փախստականների ճամբարը գնդակոծման է ենթարկվել։ Գրոհն իրականացրել են Սիրիայի նախագահ Բաշար Ասադի ռեժիմի ռազմական օդանավերը։
Օդային հարվածի արդյունքում կան զոհեր, բացի այդ տուժել են տասնյակ մարդիկ,– նշել է Իդլիբում քաղաքացիական պաշտպանության վարչության ներկայացուցիչ Համիդ Քութեյնին։ Նրա խոսքերով՝ ռազմական օդանավը փախստականների ճամբարի վրա պարաշյուտներով նետել է երեք ռումբ։
Գնդակոծման տարածք են ուղարկվել փրկարարների ջոկատներ։ Զոհերի եւ վիրավորների թիվը ճշտվում է։