ՀՀԿ-ից դուրս գալու դիմումներ են ներկայացրել պատգամավոր ու պաշտոնատար այլ անձինք

NewsBook-ի տեղեկություններով՝ այսօր ՀՀԿ-ից դուրս գալու մասին դիմումներ են ներկայացրել մի շարք պաշտոնատար անձինք: Նրանք բոլորը Արարատի մարզից են և Արտաշատ քաղաքից: 

ՀՀԿ-ից դուրս գալու դիմում է ներկայացրել ՀՀԿ խորհրդի անդամ Ռուբիկ Աբրահամյանը: Վերջինս օրեր առաջ հրաժարվեց նաև Արարատի մարզպետի պաշտոնից:

ՀՀԿ շարքերը լքելու մասին դիմում է ներկայացրել նաև ՀՀ ԱԺ պատգամավոր, ՀՀԿ խորհրդի անդամ, ՀՀԿ Արարատի տարածքային խորհրդի նախագահ Կարինե Պողոսյանը: Նրա տեղակալ Սամվել Մինասյանը ևս համապատասխան դիմում է ներկայացրել:

Հենրիկ Աբրահամյանը` ԱԺ նախկին պատգամավոր, Հովիկ Աբրահամյանի եղբայրը ևս ՀՀԿ-ն լքողների շարքերում են:

Արտաշատի փոխքաղաքապետ Գագիկ Պողոսյանն էլ է դիմում ներկայացրել: 

Կուսակցությունը լքողների շարքերում է ՀՀ Արարատի մարզպետարանի Կրթության, սպորտի և մշակույթի վարչության պետ Հասմիկ Գասպարյանը, Արտաշատի թիվ 5 դպրոցի տնօրեն, ՀՀԿ Արարատի տարածքային կառույցի կանանց խորհրդի նախագահ Ռուզան Հայրապետյանը: Գեղանուշ Սայադյանը, որը ՀՀԿ Արտաշատի տարածքային կառույցի կանանց խորհրդի նախագահն էր, ևս կուսակցությունից դուրս գալու մասին դիմում է ներկայացրել:

Արտաշատի քաղաքապետարանի 5 աշխատակիցներ ևս ՀՀԿ-ից դուրս գալու դիմումներ են ներկայացրել: Նրանք են` Մհեր Ավագյանը, Նելլի Ալոյանը, Մարիամ Հարությունյանը, Արթուր Պետրոսյանը և Վահրամ Ավետիսյանը:      

ՀՀԿ կենտրոնական գրասենյակից հաստատեցին վերոնշյալ անձանց` դիմումներ ներկայացնելու հանգամանքը: 

Վերջին օրերին ՀՀԿ-ականները համառորեն հերքում էին, որ ՀՀԿ-ից մարդկանց արտահոսք է սկսվել, մինչդեռ վերոշարադրյալը հաստատելու է գալիս, որ ՀՀԿ-ն գոնե Արարատի մարզում կորցնում է իր կուսակցական ակտիվը: 

Մանրամասները՝ NewsBook-ում

Այս թեմայով Շարմազանովն այդպես էլ չհասկացավ, թե ինչ էր ասում դեսպանը Դուք փողը տվեք եւ մի կողմ քաշվեք, իսկ մենք ինչ կուզենք, այն էլ կանենք Ինչու ՀՀԿ-ում լարվածություն չկա ՀՀԿ-ի երազած Հայաստանն այսպիսին է (Տեսանյութ) ՀՀԿ-ում սուր պայքար է. նույն պաշտոնին երեք մարդ է հավակնում, այդ թվում Միհրան Պողոսյանը