Իվանկա Թրամփը G20-ի կանանց գագաթնաժողովի ժամանակ պատմել է` ինչպես է իր հայրը վերաբերվում կանանց (Լուսանկար)

ԱՄՆ նախագահ Դոնալդ Թրամփի դուստր և խորհրդական Իվանկա Թրամփը ժամանել է Բեռլին և մասնակցել G20-ի (20 տնտեսություն՝ 19 ազգային տնտեսություն և ԵՄ, ներկայացնող ֆինանսների նախարարների և կենտրոնական բանկերի նախագահների միջազգային խորհրդաժողովի ձևաչափ) կանանց գագաթնաժողովին:

BBC-ի հաղորդմամբ` գագաթնաժողովին ներկա են եղել նաև Գերմանիայի կանցլեր Անգելա Մերկելը, Նիդեռլանդների թագուհի Մաքսիման, Արժույթի միջազգային հիմնադրամի ղեկավար Քրիստիան Լագարդը, Կանադայի արտգործնախարար Քրիստյա Ֆրիլանդը և կին ձեռներեցներ:

РИА Новости-ն գրում է, որ գագաթնաժողովի ժամանակ Իվանկա Թրամփը պատմել է` ինչպես է իր հայրը վերաբերվում կանանց:

«Երբ հայրս աշխատում էր մասնավոր սեկտորում, նա դրական պատկերացում ուներ կանանց վերաբերյալ: Նա գիտի, որ կանայք կարող են այնքան լավ աշխատել, որքան տղամարդիկ: Որպես «համար մեկ դուստր»՝ կարող եմ ամբողջովին հստակ խոսել. նա մեծացրել է ինձ այնպես, որ ընդհանրապես սահմանափակումներ չունենամ, որպեսզի կարողանամ հասնել այն ամենին, ինչ ուզում եմ: Ես կարողացել եմ գնալ այն ճանապարհով, որով ցանկացել եմ գնալ: Սա հեշտ չի եղել, սակայն նա ապահովել է մեզ դրանով` օրինակ, տարբերություն չդնելով իմ և իմ եղբոր միջև: Մենք տեսել ենք դա, երբ նա ձեռներեց է եղել, և դուք կտեսնեք դա նրա մեջ որպես նախագահ», - պատմել է Իվանկա Թրամփը Inspiring women: Scaling up women's entrepreneurship («Ոգեշնչող կանայք. Կանանց ձեռներեցության մասշտաբների ընդարձակումը») թեմայի քննարկման ժամանակ:

tert.am