Ֆրանսիայի ընտրություններում Թրամփը ֆավորիտ չունի. Սպիտակ տան հայտարարությունը
ԱՄՆ նախագահ Դոնալդ Թրամփը կարող է ենթադրել, թե ով կհաղթի Ֆրանսիայի նախագահական ընտրություններում, սակայն նա որևէ կոնկրետ թեկնածուի չի նախընտրում,– հայտարարել է Սպիտակ տան աշխատակազմի ղեկավար Ռինս Պրիբասը՝ NBC հեռուստաալիքին տված հարցազրույցում։
«Թրամփը կարող է որոշակի կարծիք ունենալ այն մասին, թե ով, ըստ իրեն, կհաղթի ընտրություններում, սակայն, իհարկե, նա նախընտրություններ չունի»,– հայտարարել է Պրիբասը։
Նա նաեւ հերքել է այն պնդումները, որ Ամերիկայի նախագահը, իբր թե, Ազգային ճակատի ղեկավար Մարին Լե Պենի կողմնակիցն է։
Ավելի վաղ Թրամփը՝ Twitter–ի իր միկրոբլոգում գրել էր, որ Փարիզի ահաբեկչությունը նպաստում է Լե Պենի դիրքերի ամրապնդմանը։
Կիրակի առավոտյան Ֆրանսիայում բացվել են ավելի քան 66 ընտրատեղամասեր։ Նոր նախագահի անունը ֆրանսիացիները կարող են իմանալ մայիսի 7-ից հետո, երբ կկայանա նախագահական ընտրությունների երկրորդ փուլը։
Top-News.am