Գերմանիայի հատուկ ծառայությունները գաղտնի հետեւել են Ինտերպոլին
Գերմանիայի դաշնային հետախուզական ծառայությունը սկսած մոտ 2000 թվականից հետեւել է Ինտերպոլին,– հաղորդում է «ՌԻԱ Նովոստի»–ն։
«Spiegel» պարբերականի տրամադրության տակ են հայտնվել նյութեր այն մասին, որ գերմանական հետախուզությունը լրտեսել է միջազգային քրեական ոստիկանությունների մի քանի տասնյակ մասնաճյուղերի, ներառյալ Ինտերպոլի Լիոնում գտնվող գլխամասային շտաբը, ինչպես նաեւ գրասենյակները ԱՄՆ–ում, Իտալիայում, Իսպանիայում, Ավստրիայում եւ Բելգիայում։
Բացի այդ հետեւել են նաեւ Եվրոպոլին՝ Եվրամիության ոստիկանական ծառայությանը,– գրում է պարբերականը։
Գերատեսչություններից ոչ մեկը չի մեկնաբանել այս հաղորդագրությունը։