Ինչպես են ամերիկացիները գնահատում Թրամփի եռամսյա աշխատանքը. հարցում
ԱՄՆ նախագահ Դոնալդ Թրամփի աշխատանքը պետության ղեկավարի պաշտոնում առաջին եռամսյակի ընթացքում հավանության է արժանացրել ամերիկացի ընտրողների 41 տոկոսը: Այդ մասին են վկայում Gallup ընկերության տվյալները, գրում է «ՌԻԱ Նովոստի»-ն:
Ընկերությունն ընդգծում է, որ դա իր սոցիոլոգիական հետազոտությունների ամբողջ պատմության ընթացքում նախագահության առաջին եռամսյակի արդյունքներով ամենացածր ցուցանիշն է: Նախկին նախագահ Բարաք Օբամայի վարկանիշը պետության ղեկավարի պաշտոնին երեք ամիս անց 64 տոկոս էր եղել:
Թրամփից առաջ առավել քիչ ժողովրդականություն վայելող առաջնորդն աշխատանքի առաջին եռամսյակի տյվլաներով, ըստ Gallup-ի, եղել է դեմոկրատ նախագահ Բիլ Քլինթոնը: Նրա գործունեությունը հավանության էր արժանացրել հարցվածների 55 տոկոսը: Ամենաբարձր վարկանիշն ունեցել է Ջոն Քենեդին: Նախագահի պաշտոնին նրա աշխատանքը երեք ամիս անց դրական էր գնահատել ընտրողների 74 տոկոսը: