Թուրքիայի ընդդիմությունը կդիմի ՄԻԵԴ` հանրաքվեի արդյունքները քննելու նպատակով
Թուրքիայի գլխավոր ընդդիմադիր ուժը` Ժողովրդահանրապետական կուսակցությունը, պատրաստվում է սահմանադրական փոփոխությունների վերաբերյալ հանրաքվեի արդյունքները բողոքարկել Մարդու իրավունքների եվրոպական դատարանում, այս մասին հայտնում է թուրքական «Ջումհուրիյեթ» պարբերականը:
Ժողովրդահանրապետականները պնդում են, որ առանց հանրաքվեի ընթացքում 2.5 մլն չկնքված քվեաթերթիկների հարցը քննելու` հանրաքվեն օրինական համարվել չի կարող:
Հիշեցնենք, որ նախնական տվյալների համաձայն՝ Թուրքիայում սահմանադրական փոփոխությունների վերաբերյալ հանրաքվեում հաղթանակ են տարել կառավարման նախագահական համակարգի անցման կողմնակիցները՝ 51,41 տոկոս ձայնով: Վերջնական արդյունքները կամփոփվեն մի քանի օրից՝ բողոքարկումները դիտարկելուց հետո: