Հնդիկ չինովնիկներին կարգելեն թարթալապտերներ գործածել
Հնդկաստանի իշխանությունները որոշել են նախարարներին ու մյուս բարձրաստիճան չինովնիկներին արգելել փողոցում նրանց ճանապարհ զիջելու նպատակով մեքենաների վրա կարմիր թարթալապտերներ օգտագործել, հայտնում է BBC–ն։
Հնդկաստանի ֆինանսների նախարար Արուն Ջեթլին հայտնել է, որ «ոչ մի մեքենայի վրա չի լինելու կարմիր թարթալապտեր» մայիսի 1-ից սկսած, ու այդ կանոնից բացառություններ չեն լինելու։ Նոր կանոնով ճանապարհին առաջնահերթությունը տրամադրվելու է միայն արծաթագույն թարթալապտերներին, որոնք օգտագործում են արտակարգ ծառայությունների՝ շտապ օգնության, հրշեջ ծառայության ու ոստիկանության մեքենաները։
Հնդկաստանի բնակիչները հաճախ են դժգոհում կարմիր թարթալապտերներով մեքենաների առատությունից։ Հնդկաստանում նման թարթալապտերները օգտագործվում են որպես բարձր կարգավիճակի խորհրդանիշ, իսկ դա առաջացնում է խցանումներ ու քաոս ճանապարհներին։ Քաղաքական գործիչներին ու պետծառայողներին մեղադրում են նաեւ նրանում, որ նրանք օգտագործում են թարթալապտերներ, որպեսզի խուսափեն խցանումներից կամ էլ պարծենան իրենց կարգավիճակով։
Լուրեր Հայաստանից - NEWS.am