Որքան են վարձատրվում Ֆիլիպիններում հարբեցողների ու գրպանահատների սպանության դիմաց
Ֆիլիպինցի ոստիկանները մոտ 200 դոլար են ստանում ալկոհոլի նկատմամբ սեր ունեցողների, ինչպես նաեւ ավազակների, գրպանահատների ու փողոցային հանցախմբի անդամների սպանության համար։ Այս մասին հաղորդում է Lenta-ն՝ վկայակոչելով Reuters-ին։
Համաձայն փաստաթղթի՝ թմրամոլներին կամ մանր հանցագործությամբ զբաղվողներին ոչնչացնելն արժե 400 դոլար, իսկ ծանր հանցագործությամբ զբաղվողներին վերացնելն արժե 20 հազար դոլար։ Այն իրավապահները, որոնք թմրաբարոնի չեզոքացնելու բախտ կունենան, 100 հազար դոլար պարգեւատրում կստանան։
Ոստիկանության աշխատակիցներից մեկն ասել է, որ ոստիկանները հաշվեհարդարին մասնակցում են ոչ միայն փողի պատճառով, այլեւ թմրաբիզնեսին հարելու կասկածյալների ցուցակում հայտնվելու վախից ելնելով։ Նման ցուցակները կազմում են ոստիկաններն ու պաշտոնյաները։