Անհայտ անձինք կողոպտել են Ֆրանսուա Ֆիյոնին ուղեկցող ավտոմեքենան
Չարագործենրը կոտրել են Ֆրանսիայի նախագահի թեկնածու Ֆրանսուա Ֆիյոնին ուղեկցելու համար վարձակալված ավտոմեքենան եւ այնտեղից գողացել նոթբուքն ու կրիչը։ Այս մասին գրում է Gazeta-ն՝ վկայակոչելով Le Parisien պարբերականին։
Ինչպես նշվում է, միջադեպը տեղի է ունեցել ապրիլի 18-ին՝ երեքշաբթի օրը, երբ Ֆիյոնը ելույթ է ունեցել Ֆրանսիայի հյուսիսում գտնվող Լիլ քաղաքում տեղի ունեցող հանրահավաքին։ Չարագործներն օգտագործել են պահը, երբ անվտանգության աշխատակիցը ռեստորանից ուտելիք է գնելիս եղել։ Նրանք կոտրել են վարձույթով վերցրած Renault Espace ավտոմեքենայի դուռը եւ գողացել նոթբուքը, USB-կրիչը, ատրճանակի փամփուշտներն ու երկու թեւկապ՝ «ոստիկանություն» մակագրությամբ։
Քաղաքական գործչի ներկայացուցիչները հաստատել են գողության փաստը։